Kúni keshe ǵana Qazaqstan musylmandary dinı basqarmasy janynan dinı ýaǵyz-nasıhat júrgizetin «Halyq arna» atty jańa telearna ashylǵan edi. Almatyda ótken jıynda Bas múftı Naýryzbaı qajy Taǵanuly múftııat arnasynyń tusaýyn kesken. Oǵan elge esim-soıy belgili qoǵam qaıratkerleri kelip qatysqan.
Osyǵan deıin QMDB baspasóz qyzmeti taratqan aqparatta: «Karantın kezinde onlaın nasıhat jumystarynyń mańyzy artty. Degenmen aqparat ǵasyrynda jańa tehnologııany ıgerip, nasıhat júrgizý men aqapart taratýdyń televızııalyq tásilin Ózimizden basqarýdy uıǵardyq. Osyǵan oraı QMDB janynan respýblıkalyq «Halyq arna» atty tól telearnamyzdy ashqaly otyrmyz», - degen edi.
Osydan keıin áleýmettik jelide súıinshi suraǵan jazbalar kóbeıdi. Dese de, jurt qyzý talqylaǵan taǵy bir áńgime: Osy ýaqytqa deıin tolyq dinı kontentpen aınalysyp kelgen «Asyl arna» jabyla ma? Múftııattyń jańa ashylǵan «Halyq arnasy» Muhamedjan Tazabek basqaratyn «Asyl arnaǵa» balama arna bola ma?, degen suraqtardyń tóńireginde órbidi.
Bul saýalǵa keshe «Asyl arna» telekanalynyń Bas dırektory Muhamedjan Tazabektiń ózi jaýap beripti. «Facebook» jelisindegi paraqshasynda «Asyl arnanyń» jabylatynyn, ornyna jańa konepııa daıyndalyp, jańa telearna ashylatynyn aıtqan eken.
Muhamedjan Tazabek (03.11.2020 j):
- Búgin, tústen keıin múftııattyń Almatydaǵy bas ǵımaratynda tarıhı jıyn ótti. QMDB ǵulamalar keńesiniń kezekti keńesi bas qosyp, oǵan men qonaq retinde shaqyryldym. Keleli keńes mańyzdy máselelerge arnaldy.
Pandemııa kezindegi otandastarymyzdyń rýhanı qajettiligin qamtý, jamaǵat arasyndaǵy túsinýshilik pen keri aǵymdardyń jolyn kesý máseleleri talqylandy.
Atap aıtqanda, Abaı men Máshhúr Júsip, Maılyqoja men Shah-Kárimder sekildi danalar ustanǵan Mátrýdı aqıdasynyń qazirgi qazaq rýhanııatyndaǵy altyn qazyq oryny men Hanafı mazhabynyń tyǵyryqtan shyǵarar tuǵyrly qasıetteri sóz boldy.
Men de shyny kerek, osy kúnge deıin tolyq jaýaby berilmegen, núktesi qoıylmaǵan, qoǵam tarapynan týyndap júrgen suraqtarǵa búgingi berekeli jıynda ashyq, aıqyn jaýap taýyp, júregim ǵulamalar nasıhaty men ýaǵyzynan qanaǵat tapty.
Aqıdamyz Mátrýdı, mazhabymyz Hanafı, qara shańyraǵymyz Múfııat degen ustanymmen, yntymaq-birlikpen jıyn sońynda tarqastyq.
Biraz ýaqyt buryn Bas múftı Naýryzbaı qajy Taǵanulymen kezdeskende búgin ǵana tusaýy kesilip jatqan «Halyq arna» dinı kanaly jaıynda sóılesken bolatynbyz.
«Eger dinı kanal ashyp jatsańyzdar, «Asyl arnany» jaýyp, orynyna basqa arna ashamyn, al, dinı kontentterdi basy bútin ózderińizge tapsyramyn», dep aıtqan bolatynmyn.
Sebebi, dinı ýaǵyzben dinı basqarma tolyqtaı ózderi aınalysqany jón. Qazir burynǵydaı emes, dinı basqarmanyń kadrlyq, qarjylyq quzyreti dinı arnanyń qyzmetin qamtýǵa jetkilikti.
Syrt kózden de artyq suraq týyndamaı, bir bulaqtan aqparat tarqaýy elge de yńǵaıly.
Al, on jyl buryn biz arna ashqan kezde aldymyzda salystyratyn, úlgisin alatyn mundaı joba bolmaǵan. Qatty qınaldyq, izdendik, artyq aıttyq, kem aıttyq, halyqpen keńese júrip osy kúnge jettik.
Ol kezde efırde qumarlyq nasıhattalsa da quran oqylmaıtyn, mazań qashatyn áýen bolsa da azan aıtylmaıtyn.
Qanshama ata-apalarymyz suqbat tyńdap, jastarymyz rýhanı taǵylym úırenip, qanshama baǵdarlamalardy balalarymyzben birge otyryp uıalmaı kórdik...
Allaǵa shúkir, dinı basqarma tolysyp, osynshalyq aýyr júk, dinı amanatty moıynymyzdan alyp jatqanyna qýanyshtymyz. «Halyq arnaǵa» aq jol, shyǵarmashylyq tabys tileımiz.
Al, «Asyl arna» jyl aıaǵyna deıin jańa konepııasyn daıyndap, óz kórermenderine «Tálimtv» degen jańa atpen jol tartyp, ary qaraı áleýmettik - otbasylyq, ǵylymı - tanymdyq, mádenı - aǵartýshylyq baǵytta qyzmetin jalǵastyrady. Ári kórermenderge áleýmettik roldik modelderdi usynatyn motıvaııalyq konservatıvti alańǵa aınalady.
Halyqtyń rýhanı qyzmetine jarap, aqyndyǵymyz ben uıymdastyrýshylyq qabiletimizdi el ıgiligine paıdalana alsaq, bul da bir Allanyń bergen uly nyǵmeti. Alla barshamyzǵa berekesin jaýdyrsyn!
Abai.kz
