Reseı prezıdenti Vladımır Pýtın 31 qazanda parlamenttiń tómengi palatasy – memlekettik dýmaǵa eks-prezıdenttiń ómir boıy senator bolýyna ruqsat beretin zań jobasyn usyndy. Azattyq radıosynyń habarlaýynsha, prezıdenttiń mundaı usynys jasaýyna birneshe aı buryn referendýmda qabyldanǵan konstıtýııalyq ózgerister múmkindik beredi.
Zań jobasyna sáıkes, ókileti aıaqtalǵan nemese otstavkaǵa ketken Reseı prezıdenti ómir boıy parlamenttiń joǵarǵy palatasy – federaııa keńesiniń depýtaty qyzmetin atqara alady. Bul úshin ol federaııa keńesine tıisti qujattaryn tirkeı otyryp, ótinish berýi kerek. Eks-prezıdent ókileti aıaqtalǵan soń úsh aı merzim ishinde osyndaı ótinishti bir márte bere alady.
Buǵan qosa, zań jobasynda prezıdentke "ǵumyr boıyna" senatorlar taǵaıyndaý quzyreti berilgen. Prezıdent eń kóp degende jeti adamdy "ǵumyrlyq" senator etip taǵaıyndaı alady. Bul zań qabyldansa, Pýtın jalpy 30 adamdy federaııa keńesine óz atynan jiberýge quqyly, biraq olardyń basym bóligi 6 jyl merzimge taǵaıyndalady.
"Senatorlardy taǵaıyndaý – prezıdenttiń mindeti emes, quqyǵy, prezıdent muny óz qalaýy boıynsha kez kelgen ýaqytta júzege asyra alady" dedi memlekettik dýmanyń memlekettik qurylys jáne zańnama komıtetiniń tóraǵasy Pavel Krashenınnıkov.
Zań jobasyna sáıkes, prezıdent belgili bir talaptarǵa saı keletin adamdardy "ómir boıyna" prezıdent etip taǵaıyndaı alady.
Ol úshin úmitker 30 jasqa tolǵan, Reseı aýmaǵynda turaqty turatyn jáne baqa eshbir eldiń azamattyǵyn ne ol el aýmaǵynda turýǵa ruqsat beretin yqtııarhatyn almaǵan, "kirshiksiz abyroı-bedeli bar" adam bolýy kerek.
Konstıtýııa talaptaryna sáıkes, "memlekettik jáne qoǵamdyq isterde elge eren qyzmet etken azamattar" "ómir boıyna" senator bolyp taǵaıyndala alady.
Bıylǵy 25 mamyr – 1 maýsym aralyǵynda Reseıde prezıdent Vladımır Pýtınniń usynysymen Konstıtýııaǵa ózgeris engizý boıynsha referendým ótken. Referendýmda eldiń negizgi zańyna 22 ózgeris usynylǵan. Ózgerister prezıdenttiń úkimetke jáne sottarǵa yqpalyn kúsheıtedi ári 20 jylǵa jýyq bılikte otyrǵan Pýtınniń osyǵan deıingi prezıdenttik merzimderin "nólden bastaıdy".
Resmı qorytyndy boıynsha, Konstıtýııaǵa usynylǵan ózgeristerdi daýys berýge qatysqandardyń shamamen 78 paıyzy qoldaǵan.
Halyqaralyq qoǵamdastyq bul ózgeristerdi de, referendýmnyń uıymdastyrylýyn da synǵa alǵan.
"Adyrna" ulttyq portaly
