Jaqynda Reseı qarýly kúshteri Belarýs jerine kelip ornalasady. Bul jaıly Prezıdent Aleksandr Lýkashenko qaýipsizdik boıynsha ótken keńeste habarlady, dep jazdy "Adyrna" ulttyq portaly belorýsııalyq "Belta" aqparattyq portalyna silteme jasap.
"Keletinder anda-mynda aǵarańdaǵan az-maz adam emes. Olardy jýyq arada qabyldap alyp, bizdiń jospar boıynsha belgilengen jerge ornalastyryńdar. Jospar ásire siltemeı-aq, shash al dese, bas almaı-aq ornyqty túrde júrgizilsin", - dedi Lýkashenko.
Sonymen qatar, Belarýs basshysy Reseı áskerin eline ákelý boıynsha Pýtınmen keńesip úlgergenin atap ótti. Qajet jaǵdaıda ózderiniń "soqqy" jasaýǵa daıyn ekendikterin jetkizdi.
Reseılik "alldaily.ru" basylymy munyń sebebin Vladımır Zelenskıdiń jaqynda shuǵyl keńes ótkizetinimen baılanystyrady. G7-men birlesken shuǵyl keńeste Zelenskıı Reseıge qarsy qarqyn údetip, el ınfraqurylymyn qalpyna keltirý máselesin talqylamaq.
Munymen qosa, Lýkashensho óz eliniń turǵyndaryn ýaıymnan arylyp, sarsańǵa salynbaýǵa úgittedi. Onyń sózinshe, qazirgi ahýalda bári jaqsy, alańdaýǵa esh sebep joq.
"Adyrna" ulttyq portaly
