Bıyl Shymkent qalasy Ál-Farabı aýdanyna qarasty «Badam» shaǵyn aýdanyn (195 oram) sapaly elektr jaryǵymen qamtamasyz etýge bıýdjetten 253 mln. teńge qaraldy. Bul qarjyǵa «Omega Stroı» JShS-i tarapynan 10/0,4 kV elektr jelileriniń qurylys-montaj jumystary atqaryldy. Búginde nysan qurylysy tolyǵymen aıaqtalyp, turǵyndardyń ıgiligine berildi.
Bul týraly Shymkent qalasynyń ákimi Murat Áıtenovke 9 aıda atqarylǵan jumystar týraly esep bergen Ál-Farabı aýdanynyń ákimi Ǵabıt Máýlenqulov málimdedi.
Aýdan ákiminiń aıtýynsha, «Badam» shaǵyn aýdanyn aýyz sýmen qamtamasyz etýdi merdiger mekeme «Saryaǵash Aman» JShS-i mamyr aıynda bastady. Nysan qurylysyn jyl sońyna deıin aıaqtaý josparlanýda.
Sondaı-aq, 195 oramdy tabıǵı gazben qamtý jumystaryn merdiger mekeme «Kombı Stroı 1» JShS-i atqarýda.
Sondaı-aq, «Sáýle» shaǵyn aýdanyn ınjenerlik-ınfraqurylymmen qamtamasyz etý úshin jobalyq-smetalyq qujattama ázirlenýde. Osy maqsatta «MPK-PROEKT» JShS-imen kelisim-shart túzilgen.
Aıta keteıik, Ál-Farabı qalanyń ortalyq aýdany bolǵandyqtan aýyz sý, tabıǵı gaz jáne elektr qýatymen qamtý kórsetkishi 99,7 proentti qurap otyr.
Shymkent qalasy ákimdiginiń baspasóz qyzmeti
