Shymkent ákimi 189 oramdaǵy gaz máselesin bir aıda sheshýdi tapsyrdy

1465
Adyrna.kz Telegram

Mundaı tapsyrmany qala ákimi Murat Áıtenov azamattardy jeke máselelerimen qashyqtyqtan qabyldaý barysynda energetıka jáne kommýnaldyq sharýashylyq basqarmasynyń basshysyna berdi.

Onlaın qabyldaý barysynda Qarataý aýdanynyń turǵyny A.Aıdarov 189 oramdaǵy gaz máselesin kóterip, jaryq pen aýyz sýdyń jıi óshetini týraly shaǵymyn jetkizdi.
Osy rette, qala basshysy turǵyndar qyzmetterge úzdiksiz aqy tóleıtinin aıtyp, salalyq jetekshilerge elektr jaryǵy men aýyz sýda turaqty berilýi tıis ekenin jetkizdi. Sonymen qatar, tabıǵı gazdyń aǵymdaǵy jyldyń 1 jeltoqsanyna deıin berilýin qatań baqylaýǵa alýdy tapsyrdy.
Anyqtama:
Shymkent qalasynyń tabıǵı gaz kózderiniń qýattylyǵy AGRS-1, AGRS-4 «Shymkent» 180 000 m3/saǵ quraıdy. Al búgingi tańdaǵy qalanyń qajettiligi - 250 000 m3/saǵ qurap otyr. Jylytý maýsymy bastalǵan kezde qoldanystaǵy avtomattandyrylǵan gaz taratýshy stansalary 100% jumys atqarýda.
Atalǵan máseleni sheshý maqsatynda, 250 000 m3/saǵ quraıtyn avtomattandyrylǵan gaz taratý stansasynyń (ári qaraı-AGRS-3) qurylys jumystary «StroyGazCompany» JShS tarapynan júrgizilýde.
AGRS-3 nysanynyń qurylys jumystary aǵymdaǵy jyldyń qarasha aıynda aıaqtalsa, Shymkent qalasynda tutynýshylardy sapaly jáne úzdiksiz tabıǵı gazben qamtamasyz etýge bolady.
Budan bólek, qabyldaýda turǵyndar jer, jol, qoǵamdyq kólik pen jumyspen qamtý týraly saýaldaryn joldady. Barlyq saýaldardy muqııat tyńdaǵan ákim kóterilgen árbir másele boıynsha qalada tıisti jumystar atqarylyp jatqanyn aıtyp, ret-retimen sheshiletinin jetkizdi.

Shymkent qalasy ákiminiń baspasóz qyzmeti

Pikirler