Shymkentte «Táýelsiz memleketter dostastyǵynyń mádenı astanasy» jyly aıasynda «Shymkent – qaıyrymdy qala» balalar shyǵarmashylyǵyna arnalǵan onlaın-festıval óz máresine jetti. Dostastyq elderi arasynda ótken sharaǵa 6 jastan 15 jasqa deıingi jalpy sany 500-ge jýyq bala qatysty. Onyń ishinde TMD elderinen 20 bala, Qazaqstan Respýblıkasynan – 479 qatysýshy úsh nomınaııa boıynsha óz shyǵarmalaryn joldady. Festıvaldiń baǵdarlamasy «Vokaldyq shyǵarmashylyq», «Aspapta oryndaý», «Beıneleý óneri» nomınaııalary boıynsha júrgizildi.
Balalar shyǵarmashylyǵyna arnalǵan onlaın-festıvaldiń barlyq qatysýshylaryna qala ákiminiń atynan arnaıy dıplomdar tabystaldy.
Festıval aıasynda Reseı, Ózbekstan, Qyrǵyzstan elderiniń ónerli balalary erekshe belsendilik tanytty. Solardyń qatarynda, vokal boıynsha Sochı qalasynan qatysqan «Voc time» kvarteti jáne Nasıbýllına Damıra, Qyrǵyzstannan Janıbekova Saýle óz ultynyń halyq ánderin joǵary dárejede oryndady. Ózbekstandyq - Sýltanova Shahzoda, Abdýrahmanova Dııora, Mırpýlatov Mırza-Shýhrat, Mırjalılova Madına esimdi sýretshi jastar «Beıneleý óneri» nomınaııasy boıynsha Dostastyq elderi taqyrybynda jańa týyndylarymen festıvaldiń jandanýyna atsalysty.
Qazaqstandyq qatysýshy jas ónerpazdar da úsh nomınaııa boıynsha taqyrypty keńinen asha bildi. Atap aıtqanda: «Beıneleý óneri» nomınaııasynda Qyzylorda oblysynan Zulqarnaı Nuraı, Qostanaı oblysynan Beısembaeva Rıza, Kovaleva Irına, Trefılova Marııa dostastyq elderi taqyryby men Shymkent qalasynyń kórikti jerlerin qylqalammen ásem túrde beınelegen. Jas óner ıeleriniń ishinde erekshe kózge túsken Isabekova Gýlnaz dostastyq taqyrybyn qabyrǵaǵa salǵan arnaıy graffıtı ónerimen tánti etti.
«Vokaldyq shyǵarmashylyq» nomınaııasynda Qostanaı oblysynan Perevozkına Darıa «Qazaǵymsyń» ánin jandy daýysta joǵary dárejede shyrqasa, Pavlodar oblysy Aqsý qalasynyń jas ánshisi Arynova Darııa, Sapargalıeva Azalııa jáne Shymkent qalasynan Abýtalıp Alıjan sheteldik klassıkalyq shyǵarmany kásibı deńgeıde oryndady.
«Aspaptyq oryndaý» nomınaııasy boıynsha Shyǵys Qazaqstan oblysy, Semeı qalasynan «Dombyra dýman», «Qyzdar aı» ansamblderi qazaqsha kúı ónerinen erekshe syr shertti. Mańǵystaý oblysy Mańǵystaý aýdanynan qatysýshylar Álibaeva Aqtorǵyn men Nurtilek Jaınar da oryndaý sheberlikteri joǵary ekenin kórsete bildi. Daryndy jastar qazaqtyń kóne shyǵarmalyryn dombyra, baıan, qobyz, skrıpka, pıanıno, saksafon jáne gıtara aspaptarynda erkin oınaı alatyndyqtaryn kórsete bildi.
Onlaın oqýǵa qatysýshy ónerli balalardyń sapaly beınejazbalary áleýmettik jelide arnaıy heshtegter arqyly jarııalanyp kórermenniń ystyq yqylasy men lebizine bólendi.
Shymkent qalasy ákiminiń baspasóz qyzmeti
