Memleket basşysy Qasym-Jomart Toqaevtyŋ biylǧy jyly Qazaqstan halqyna Joldauynda «Bes jyl ışınde orman alqabynda 2 milliard, eldı mekenderde 15 million aǧaş otyrǧyzylatyn bolady. Būl elımızdegı kögaldandyru auqymyn keŋeituge septıgın tigızedı», - dep aitqan bolatyn.
Osy baǧyttaǧy jūmystardy jüzege asyru maqsatynda Şymkent qalasynyŋ äkımı Mūrat Äitenov senbı künı qalalyq tabiǧi resurstar jäne tabiǧat paidalanudy retteu basqarmasyna qarasty bırqatar nysandardyŋ qyzmetımen tanysqan bolatyn.
Eŋ äuelı qala basşysy A.Asqarov atyndaǧy Şymkent memlekettık dendrologiialyq saiabaǧyndaǧy köşettık tūqymbaqtyŋ jūmysymen tanysty.
Jalpy tūqymbaqta 8269 tüp köşet ösırılude. Atap aitsaq, mūnda 1537 tüp bozarşa, 1016 jäi arşa, 891 tüp emen aǧaşy men 223 dana sabyn aǧaşy jäne 81 dana şynar aǧaşy bar. Al, jylyjaida 19 türlı tūqym sebılıp, jasyl qalamşa täsılımen 42 türlı aǧaş-būta daiyndaluda.
Aralau barysynda sala mamandary dendrosaiabaqty damytudyŋ jaŋa konsepsiiasymen tanystyrdy. Qala äkımı aldymen aǧaştardyŋ türlı sūryptaǧy jiyntyǧyn köbeitıp, dendrosaiabaqty turister men qala tūrǧyndarynyŋ süiıktı jerıne ainaldyru qajet ekenın aitty.
Mūrat Äitenov atalǧan saiabaqtaǧy qūrylys jūmystary jürgızılıp jatqan velosiped pen jügıru joldarynyŋ jūmysyn aralap kördı.
Mūndaǧy jügıru jolynyŋ ūzyndyǧy 6457 m, enı 3 m. Velojolǧa arnaiy qozǧalys jolaqtary jürgızılgen. Ūzyndyǧy 12,5 km jolda jerasty kabelderı auystyrylyp, biıktıgı 6 metrlık araqaşyqtyǧy 20 metrdı qūraityn 670 dana LED baǧanalary qoiylady. Qūrylys jūmystary jyl soŋyna deiın aiaqtalady dep kütılude.
Sonymen qatar, şahar basşysy aumaǧy 976 gektardy qūraityn «Jasyl beldeu» kommunaldyq memlekettık mekemesınde boldy. Mūnda jalpy sany 262 myŋ tüp aǧaş köşetterı egılgen.
Äkım jasyl aimaqty damytu üşın eŋ aldymen Şymkent qalasyndaǧy aǧaştarǧa tügendeu jūmystaryn jürgızıp, osynyŋ nätijesınde jasyl beldeudı ūlǧaitu men kögaldandyru mäselesın qarastyrudy tapsyrdy.
Şymkent qalasy äkımınıŋ baspasöz qyzmetı
