Shymkent: Qala ákimi múgedekterdi ońaltý ortalyǵynyń jumysymen tanysty

1338
Adyrna.kz Telegram

Qazan aıynyń ekinshi jeksenbisi Qazaqstanda múgedekter kúni bolyp bekitilgen. Halyqaralyq múgedekter kúnin atap ótý múmkindigi shekteýli jandardyń problemalaryna, ar-namysy men quqyqtaryn qorǵaý máselesine qoǵam nazaryn aýdarýǵa, sondaı-aq, múgedekterdiń elimizdiń qoǵamdyq-saıası, áleýmettik-mádenı ómirine belsendi aralasýyn qamtamasyz etýge baǵyttalǵan.

Osyǵan oraı, Shymkent qalasynyń ákimi Murat Áıtenov «Shapaǵat» ońaltý ortalyǵynda bolyp, mekemeniń jumysymen tanysty.

«Shapaǵat» múgedekterge arnalǵan ońaltý ortalyǵy» kommýnaldyq memlekettik mekemesi psıho-nevrologııalyq aýrýlary bar on segiz jastan asqan múgedekterge, birinshi jáne ekinshi toptaǵy múgedekterge arnaýly áleýmettik qyzmetter kórsetedi. Ótken jyly ashylǵan ortalyq 70 orynǵa laıyqtalǵan. Onda kelýshilerge barlyq jaǵdaı jasalǵan. Instrýktor mamandardyń kómegimen dene shynyqtyrý kabınetiniń qyzmetin paıdalana alady. Arnaıy kabınetterde múgedekter dáriger nusqaýy boıynsha túrli em-dom qabyldaıdy.

Murat Dúısenbekuly memleket múmkindigi shekteýli azamattarǵa árdaıym qamqorlyq kórsetetinin, áleýmettik tólemderdiń mólsheri turaqty túrde ósip kele jatqanyn aıtty.

Jalpy, Shymkent qalasynda múmkindigi shekteýli 37 myńǵa jýyq adam esepke alynǵan.
Osy sanattaǵy adamdardyń áleýmettik jaǵdaıyn jaqsartý maqsatynda bıyl bıýdjet kózderinen bólingen qarjyǵa arnaıy quraldardyń 55 túri satyp alynyp, arnaıy qyzmetterdiń 4 túri kórsetilýde.

Bıyl QR Eńbek jáne halyqty áleýmettik qorǵaý mınıstrliginen Shymkent qalasyna 406 dana elektrondy qolarba bólingen. Jyl basynan beri 100 dana elektrondy qolarba kelip, I, II-toptaǵy múgedekterge úlestirilýde. Qalǵan 306 danasy jyl sońyna deıin muqtaj jandarǵa taratylady. Bıýdjetten qosymsha 1 210 serýendik jáne bólmelik qol arba alýǵa kelisimshart túzilgen.

Sonymen qatar Shymkenttegi alty arnaýly áleýmettik mekeme múgedektigi bar 1 725 adamǵa qyzmet kórsetken.

Atap aıtqanda, psıhonevrologııalyq aýytqýy bar, tirek-qımyl apparatynyń fýnkııalary buzylǵan balalar men psıhonevrologııalyq aýrýy bar 18 jastan asqan azamattar, I jáne II-toptaǵy múgedekter men qarttarǵa staıonarlyq, jartylaı staıonarlyq rejımde jáne úıde ońaltý sharalary júrgizilgen.

Munan bólek memlekettik mekemelerge alternatıva retinde úkimettik emes uıymdar da osy sanattaǵy azamattarǵa áleýmettik qyzmet kórsetýde.

Shymkent qalasy ákiminiń baspasóz qyzmeti

Pikirler