Köptoǧaidaǧy şekara qorşauyn jyljytu uaqytşa toqtatylmaq. Būl turaly QR Ūlttyq qauıpsızdık komitetı Şekara qyzmetınıŋ Atyrau oblysy boiynşa departamentınıŋ baspasöz qyzmetı mälımdedı.
Atyrau oblysy, Qūrmanǧazy audany, Köptoǧai auylynda oryn alyp jatqan jaǧdaiǧa tüsınık bergen QR Ūlttyq qauıpsızdık komitetı Şekara qyzmetınıŋ Atyrau oblysy boiynşa departamentı ökılı Ardaq Ämırǧalievtıŋ mälımdeuınşe, Qiǧaş jaǧalauynda 1995- 1996 jyly uaqytşa tūrǧyzylǧan şekaralyq qorşaudy jyljytu mäselesı jergılıktı tūrǧyndar arasynda tüsınıspeuşılık tudyrǧan.
Äŋgıme 2005 jylǧy 18 qaŋtarda Mäskeude qol qoiylǧan “Qazaqstan-Resei memlekettık şekarasy turaly kelısımıne” bailanysty tuyndap otyr.
Demarkasiia bır jylda bıtpeitın ūzaq merzımdı prosess, qazırgı taŋda ol jūmystar aiaqtalǧan joq. Demarkasiia kezınde ötken jyly qazaqstandyq jäne reseilık jūmys toby 1995- 1996 jyly uaqytşa tūrǧyzylǧan şekaralyq qorşaudyŋ Resei Federasiiasyna tiesılı territoriiada ornalasqanyn anyqtaǧan edı.
Qorşaudyŋ şamamen ūzyndyǧy 1500 metr, tereŋdıgı 10-70 metr aralyǧynda (jarty aral ıspettı). 2005 jylǧy 18 qaŋtardaǧy ekı el arasyndaǧy kelısımge säikes, qorşau tiesılı orynda ornatyluy üşın, ony qazaqstandyq territoriiaǧa qarai jyljytu qajet. Qazaqstandyq şekaraşylar künı bügınge deiın osy mäselemen ainalysyp keldı.
Alaida, jergılıktı tūrǧyndar jaǧdaidy basqaşa qabyldap, şekaraşylar ornatyp jatqan qorşauǧa qarsylyq bıldırıp otyr.
Mäsele ekı memleket arasynda kelısılgen normativtık qūjatta körsetılgen qorşauǧa bailanysty bolyp otyr. Jäne qorşau ūzyndyǧy 1500 metr uchaskege bailanysty. Būl jerde qazaqstandyq territoriiany Reseige beru degen mäsele joq» dep naqtylady spiker.
Onyŋ üstıne, eger, atalǧan uchaske şaruaşylyq nemese basqa maqsattaǧy jer bolsa, demarkasiia prosesınde mūndai mäselenı ekıjaqty kelısım arqyly şeşuge bolady. Halyqaralyq qatynastarda būl keŋınen taraǧan täjıribe, ol üşın belgılı bır qūqyqtyq proseduralardy jüzege asyru kerek. Jäne ol mäseleler jergılıktı atqaruşy organdar (äkımdık), Ükımet, Syrtqy ıster ministrlıgı arqyly şeşıledı.
19 säuırden bastap Köptoǧai selosyndaǧy uchaskede qorşaudy jyljytu jūmystary jaǧdai rettelgenge deiın uaqytşa toqtatylady.
Ūqsas jaŋalyqtar
