Shymkent: Mártóbe tarıhı kesheninde keler urpaqqa joldaý jazylǵan kapsýla salyndy

1751
Adyrna.kz Telegram

Búgin Shymkent qalasyndaǵy Mártóbe tarıhı kesheninde keleshek urpaqqa joldaý jazylǵan kapsýla qalandy. Sharaǵa qala ákimi M.Áıtenov, Shymkent qalalyq sotynyń tóraǵasy E.Rahımbekov, Shymkent qalalyq máslıhatynyń hatshysy Ǵ.Tashqaraev qatysty.

Jıynda sóz alǵan qala basshysy búgingi is-sharanyń mańyzdylyǵyna toqtalyp, Mártóbe - el tarıhynda aıryqsha mánge ıe tarıhı oryn ekenin aıtty.
«Mártóbe - eldigimizdiń mártebesin, birligimizdiń berekesin aıshyqtaǵan jer. Bul aýmaqta áıgili Dala parlamentiniń keleli jıyndary ótip, «Jeti jarǵyǵa» súıene otyryp tarıhta izi qalǵan mańyzdy sheshimder qabyldanǵan. Qazaq tarıhy qashanda birigý tarıhy bolǵanyn bilemiz. Ishki birligimizdi bekemdegen, eldigimizdiń eńsesin kótergen mundaı qasıetti oryndar el jadynda máńgi saqtalmaq»,-dedi M.Áıtenov.
Sot qyzmetkerleriniń keleshek urpaqqa qaldyrǵan joldaýynda 14-15 ǵasyrlardan bastaý alǵan qazaq eliniń zańnama tarıhy men egemendi elimizdiń búgingi Zań ústemdigi baıandalǵan.
ANYQTAMA: Mártóbe kesheni Shymkent qalasynyń Qarataý aýdanyna qarasty Saıram turǵyn alabynan Qaramurt aýylyna qaraı shyǵa beris joldyń sol jaq betinde ornalasqan. Bul tóbe ÚII-HII ǵasyrlardaǵy qalashyqtyń orny. 20*30m ólshemdi ıtadel. Bıiktigi 6-7m, tóbesi - tegis.
Munda HÚII ǵasyrda bılik basyna kelgen Esim hannan bastap, HÚIII ǵasyrdaǵy Táýke han tusyna deıin alty alashtyń balasy bas qosyp, bıler keńes qurǵan. «Esim hannyń eski joly» jáne «Jeti jarǵy» da osy mańda talqyǵa túsip, jarııalanǵan. «Jeti jarǵyny» qabyldar sátte qazaqtyń ataqty bı-sheshenderinen 12 bı, olardyń qatarynda Tóle, Qaz daýysty Qazybek, Áıteke bılerden ózge Jaıma, Sasyq, Kókim bıler da qatysqan. Mártóbeniń uly dala parlamenti atalýy osydan.

Shymkent qalasy ákiminiń baspasóz qyzmeti

Pikirler