Búgin Shymkent qalasynyń ákimi Murat Áıtenov «Úzdik pedagog-2020» baıqaýynyń qatysýshylaryn qabyldady. Kezdesýde pedagogtar qaýymyn kásibı merekelerimen quttyqtap, qalanyń mereıin kótergen ustazdarǵa shynaıy alǵysyn jetkizip, rızashylyǵyn bildirdi.
Ustazyn ulyqtaı bilgen eldiń keleshegi de jarqyn bolatynyn aıtqan qala basshysy respýblıkalyq «Úzdik pedagog-2020» baıqaýyna qatysqan 12 ustazǵa Alǵys hat pen 400 myń teńgeniń sertıfıkatyn tabystady.
Sonymen qatar, respýblıkalyq jarysta úzdik dep tanylǵan úsh ustazǵa QR Bilim jáne ǵylym mınıstrliginiń «Úzdik pedagog» medali men 1000 AEK qarjy kóleminde syıaqysy berildi. Olar, №9 IT lıeı mektebiniń orys tili pániniń muǵalimi - Gúlzıra Anartaeva, № 8 mamandandyrylǵan gımnazııa mektebiniń bastaýysh synyp muǵalimi - Gúldana Daýlenbaeva jáne Joǵary medıınalyq kolledjiniń hımııa pániniń muǵalimi - Jadyra Shábden.
Qaladaǵy 26 myń pedagog arasynan 12 ustaz úzdik dep tanylyp, respýblıkalyq jarysqa joldama alǵan bolatyn.
Marapattaý rásimin qorytyndylaǵan shahar basshysy barsha muǵalimge jas urpaqty tárbıeleýdegi óreli isteri men memlekettiń gúldenýi jolyndaǵy abyroıly jumystaryna tabys tiledi.
Shymkent qalasy ákiminiń baspasóz qyzmeti
