Izraıl muǵalimderi qashyqtan oqytý júıesiniń nátıje bermeıtinin jetkizdi, dep habarlaıdy «Adyrna» ulttyq portaly vesty.co.il-ge silteme jasap.
Sońǵy eki jylda oqytýshylardyń jartysy ǵana qashyqtan oqytý boıynsha kásibı daıyndyqtan ótken. Mundaı málimetterdi KAN telekorporaııasynyń jańalyqtar qyzmeti jarııalady.
Telearnanyń aıtýynsha, muǵalimderdiń kópshiligi jazǵy demalysta daıyndyq kýrstaryna barýǵa qyzyǵýshylyq tanytqan. Dese de, olar ózderine qolaıly kýrstardy taba almaǵan.
Zoom arqyly oqyǵan bala sapaly bilim ala almaıdy
Pedagogtar Zoom arqyly mektep baǵdarlamasyn túsindirýge tolyq múmkindiktiń joq ekenin jetkizdi. «Úlgerimi tómen oqýshylarǵa qosymsha sabaqtar ótkizý tipti múmkin emes»,-dedi olar.
Alaıda muǵalimder kásipodaǵynyń tóraıymy Iafa Ben-Devıd oqytýshylardyń Bilim mınıstrligi bekitken barlyq sheshimderine baǵynatyndyǵyn atap ótti. Sonymen qatar,ol kásipodaqtyń da oqytý baǵdarlamasyna óz josparyn usynǵanyn habarlady.
Oǵan sáıkes 1-2 synyp oqýshylary aptasyna 5 kún, al 3-4 synyp oqýshylary aptasyna 3 kún ǵana shaǵyn toptarda oqıtyn bolady.
«Bilim berý júıesin jekeshelendirýge jol bermeý kerek», - deıdi tóraǵa.
Oqýshylar tapsyrmany durys oryndamaıdy
Tálimgerler oqýshylardyń qashyqtan alatyn tapsyrmalary muqııat oryndalmaıdy dep sanaıdy, al oqytýshylardyń proesti tekserý men baqylaýǵa múmkindigi joq. Olardyń aıtýynsha, oryndalǵan tapsyrmalar mektep oqýshylarynyń bilimi men daǵdylarynyń shynaıy kórinisin kórsetpeıdi.
2020 jyldyń shilde-tamyz aılarynda oqytýshylarǵa bilim berý júıesine baılanysty saýalnama júrgizilgen. Nátıjesinde respondentterdiń kópshiligi qashyqtan oqytý kezinde barlyq oqýshylarda qajetti oqý quraldarynyń bolmaǵanyn jetkizdi. Mysaly, qulaqqaptar, beınekameralar men prınterler. Keıbir ata-analar bul quraldardy alýǵa múmkindikteriniń joq ekenin aıtqan.
Aıta keteıik, qazirgi tańda elde 1-4 synyptardy qarasha aıynan bastap dástúrli oqytý formatyna kóshirý máselesi qarastyrylýda.
«Adyrna» ulttyq portaly
