Sırııanyń burynǵy prezıdenti Bashar Asadtyń ajyrasýy jáne onyń aktıvteriniń buǵattalýy týraly aqparat shyndyqqa janaspaıdy. Bul týraly búgin, 23 jeltoqsanda Reseı prezıdentiniń baspasóz hatshysy Dmıtrıı Peskov aıtty, dep habarlaıdy «Adyrna» tilshisi.
Buǵan deıin túrkııalyq Haberturk basylymy Reseı bıliginiń Asadqa Máskeýden ketýge jáne saıası qyzmetpen aınalysýǵa tyıym salǵanyn, al onyń áıeli Asma Asadtyń Londonǵa kóshý úshin ajyrasýǵa ótinish bergenin jazǵan edi.
«Eks-prezıdenttiń zaıybyna Máskeýdegi ómir unamaǵan. Osyǵan baılanysty ol Londonǵa qonys aýdarýdy josparlap otyr. Asma Asad nekesin buzý úshin reseılik sot organdaryna júgingen. Dese de, onyń aryzy áli qarastyrylmaǵan»,—dedi sheteldik BAQ.
Alaıda Dmıtrıı Peskov RBK jýrnalısterine bergen suqbatynda bul aqparattardy joqqa shyǵardy.
«Bul málimetter shyndyqqa janaspaıdy»,—dep jaýap berdi ol.
Eske salaıyq, 8 jeltoqsanǵa qaraǵan túni Sırııadaǵy on kúnge sozylǵan qaqtyǵystardan keıin, kóterilisshiler úkimetke qarsy áreketterin jalǵastyryp, el astanasy Damaskti baqylaýyna alǵan bolatyn. Bul shaıqastar eldiń soltústik-batysyndaǵy Idlıb provınııasynda bastaldy. Prezıdent Bashar Asad jaǵdaıdyń ýshyǵýyna baılanysty shuǵyl túrde astanany tastap ketýge májbúr boldy. Keıinirek Asadtyń otbasy múshelerimen birge Reseı astanasyna kelip-jetkeni, oǵan gýmanıtarlyq sebeptermen saıası baspana berilgeni anyqtaldy.
