Túrkııanyń batysyndaǵy qarý-jaraq zaýytynda jarylys bolyp, saldarynan 12 adam qaza taýyp, beseýi jaralandy. Bul týraly Euronews jazdy, dep habarlaıdy “Adyrna” ulttyq portaly.
Aqparatqa sáıkes, oqıǵa seısenbi kúni tańerteń bolǵan.
Anadoly agenttiginiń habarlaýynsha, jarylys Karesı aımaǵy Balykesır provınııasyndaǵy jarylǵysh zattar shyǵaratyn zaýytta bolǵan.
Balykesır gýbernatory Ismaıl Ýstaoǵlý jarylystan negizgi óndiristik ǵımarattardyń biri opyrylǵanyn, al aınalasyndaǵy ǵımarattardyń azdap zaqymdanǵanyn aıtty. Onyń aıtýynsha, oqıǵa ornynda túrik prokýrorlary jumys istep, oqıǵanyń mán-jaıyn anyqtap jatyr.
“Bizdiń boljamymyzsha, ishinde birde-bir azamat qalǵan joq. Jarylys tehnıkalyq sebepterge baılanysty boldy”, — dedi Ýstaoǵlý.
Ádilet mınıstri Iylmaz Týnch X áleýmettik jelisinde jarylystyń sebepterin anyqtaý úshin tórt prokýrorǵa tapsyrma berilgenin jazdy.
Túrkııa prezıdenti Rejep Taıyp Erdoǵan oqıǵaǵa baılanysty kóńil aıtty.
“12 baýyrymyzdyń qazasyna qaıǵyryp kóńil aıtamyn”, — degen ol jaralylardyń tezirek saýyǵyp ketýin tiledi.
