Adam ómir boıy ózin ózi zertteýmen ótedi. Keıde ishki álemimizge úńilgende ózimizdiń kemshin tustarymyzdy kórý qıynǵa soǵyp jatady. Al adam ózin tolyq tanymasa, boıyndaǵy álsizdikterdi jeńbese, tulǵa bolyp qalyptasýy qıyn. Mundaıda sizge psıhologııalyq test kómekke keledi. Sýrettegi tórt labırınttiń birin tańdap, ózińiz týraly málimet alyńyz.
1-labırınt
Siz únemi barlyǵyn keıinge shegerip qoıasyz. Tipti qate qadam bassańyz da, ony eshqashan moıyndamaısyz. Eshqandaı máselege másele dep qaramaısyz. Alaıda másele ústine másele jınala berse, onyń sheshimin tabý da kúrdelene túsedi. Osylaı jalǵasa berse "máseleler saqtalatyn jáshigińiz" de tolyp, ishine eshteńe syımaı ketedi. Kez kelgen jaǵdaıdy ýaqytyly sheship otyrýǵa daǵdylanyńyz. Odan bólek siz óte sezimtal jaratylyssyz. Kóp nárseni júrekke jaqyn qabyldamaýǵa tyrysyńyz, sonda ózińizge jeńil bolady.
2-labırınt
Siz sheshim qabyldaýda osaldyq tanytasyz. Muny ózińiz de baıqamaısyz. Másele sizdiń ótken shaǵyńyzben baılanysty. Áldekim ózińizge degen senimdiligińizdi tómendetken, sol sebepti boıyńyzda osyndaı kemshilik qalyptasqan. Qazir bir sheńber boıymen ǵana aınalyp, ary asa almaı júrsiz. Únemi ózińizge unamaıtyn nárseni tańdaısyz. Aralasatyn ortańyzdy da ózińiz sheshe almaısyz. Ishte bir kúsh bulqynyp jatyr, biraq ony syrtqa shyǵarýǵa dármenińiz jetpeıdi. Barlyǵyn ózińiz saralap, saraptaıtyn kúıge jetseńiz kemshilikterden arylasyz.
3-labırınt
Únemi barlyǵyn óz tulǵalyq qasıetińizge ákep tireısiz. Kez kelgen is, áńgime, oılar, bolyp jatqannyń barlyǵyn ózińizge qabyldaısyz. Syrtqy ortadaǵy sózderdi jaıbaraqat tyńdaı almaısyz, atyńyzǵa aıtylǵan syndy da qabyldaı bilmeısiz. Bul qasıet sizdi kóp máselege dýshar etedi. Ózińizdiń shynaıy beıneńizdi de qabyldaý qıynǵa soǵady. Óz egońyzdy shektep, qorshaǵan ortany tyńdaýdy úırenińiz. Ózińizdi ózgege renjitýge jol bermeńiz, sóıte tura olardyń pikirine qulaq asyńyz.
4-labırınt
Siz úshin táýekelge bel baılaý – qıynnyń qıyny. Tek óz jan qalaýyńyz boıynsha ómir súresiz. Ishki álemińiz bir ózgeristi qalaıdy, degenmen oǵan da táýekel ete almaısyz. Kez kelgen ózgeristi, usynysty qorqa-qorqa tyńdaısyz. Onyń zardaby ómir boıy aldyńyzdan shyǵyp otyrady. Sondyqtan keı-keıde bolsa da batyl sheshimder qabyldaýdan qoryqpańyz.
massaget.kz
