ادام ءومىر بويى ءوزىن ءوزى زەرتتەۋمەن وتەدى. كەيدە ىشكى الەمىمىزگە ۇڭىلگەندە ءوزىمىزدىڭ كەمشىن تۇستارىمىزدى كورۋ قيىنعا سوعىپ جاتادى. ال ادام ءوزىن تولىق تانىماسا، بويىنداعى السىزدىكتەردى جەڭبەسە، تۇلعا بولىپ قالىپتاسۋى قيىن. مۇندايدا سىزگە پسيحولوگيالىق تەست كومەككە كەلەدى. سۋرەتتەگى ءتورت ءلابيرينتتىڭ ءبىرىن تاڭداپ، ءوزىڭىز تۋرالى مالىمەت الىڭىز.
1-لابيرينت
ءسىز ۇنەمى بارلىعىن كەيىنگە شەگەرىپ قوياسىز. ءتىپتى قاتە قادام باسساڭىز دا، ونى ەشقاشان مويىندامايسىز. ەشقانداي ماسەلەگە ماسەلە دەپ قارامايسىز. الايدا ماسەلە ۇستىنە ماسەلە جينالا بەرسە، ونىڭ شەشىمىن تابۋ دا كۇردەلەنە تۇسەدى. وسىلاي جالعاسا بەرسە "ماسەلەلەر ساقتالاتىن جاشىگىڭىز" دە تولىپ، ىشىنە ەشتەڭە سىيماي كەتەدى. كەز كەلگەن جاعدايدى ۋاقىتىلى شەشىپ وتىرۋعا داعدىلانىڭىز. ودان بولەك ءسىز وتە سەزىمتال جاراتىلىسسىز. كوپ نارسەنى جۇرەككە جاقىن قابىلداماۋعا تىرىسىڭىز، سوندا وزىڭىزگە جەڭىل بولادى.
2-لابيرينت
ءسىز شەشىم قابىلداۋدا وسالدىق تانىتاسىز. مۇنى ءوزىڭىز دە بايقامايسىز. ماسەلە ءسىزدىڭ وتكەن شاعىڭىزبەن بايلانىستى. الدەكىم وزىڭىزگە دەگەن سەنىمدىلىگىڭىزدى تومەندەتكەن، سول سەبەپتى بويىڭىزدا وسىنداي كەمشىلىك قالىپتاسقان. قازىر ءبىر شەڭبەر بويىمەن عانا اينالىپ، ارى اسا الماي ءجۇرسىز. ۇنەمى وزىڭىزگە ۇنامايتىن نارسەنى تاڭدايسىز. ارالاساتىن ورتاڭىزدى دا ءوزىڭىز شەشە المايسىز. ىشتە ءبىر كۇش بۇلقىنىپ جاتىر، بىراق ونى سىرتقا شىعارۋعا دارمەنىڭىز جەتپەيدى. بارلىعىن ءوزىڭىز سارالاپ، ساراپتايتىن كۇيگە جەتسەڭىز كەمشىلىكتەردەن ارىلاسىز.
3-لابيرينت
ۇنەمى بارلىعىن ءوز تۇلعالىق قاسيەتىڭىزگە اكەپ تىرەيسىز. كەز كەلگەن ءىس، اڭگىمە، ويلار، بولىپ جاتقاننىڭ بارلىعىن وزىڭىزگە قابىلدايسىز. سىرتقى ورتاداعى سوزدەردى جايباراقات تىڭداي المايسىز، اتىڭىزعا ايتىلعان سىندى دا قابىلداي بىلمەيسىز. بۇل قاسيەت ءسىزدى كوپ ماسەلەگە دۋشار ەتەدى. ءوزىڭىزدىڭ شىنايى بەينەڭىزدى دە قابىلداۋ قيىنعا سوعادى. ءوز ەگوڭىزدى شەكتەپ، قورشاعان ورتانى تىڭداۋدى ۇيرەنىڭىز. ءوزىڭىزدى وزگەگە رەنجىتۋگە جول بەرمەڭىز، سويتە تۇرا ولاردىڭ پىكىرىنە قۇلاق اسىڭىز.
4-لابيرينت
ءسىز ءۇشىن تاۋەكەلگە بەل بايلاۋ – قيىننىڭ قيىنى. تەك ءوز جان قالاۋىڭىز بويىنشا ءومىر سۇرەسىز. ىشكى الەمىڭىز ءبىر وزگەرىستى قالايدى، دەگەنمەن وعان دا تاۋەكەل ەتە المايسىز. كەز كەلگەن وزگەرىستى، ۇسىنىستى قورقا-قورقا تىڭدايسىز. ونىڭ زاردابى ءومىر بويى الدىڭىزدان شىعىپ وتىرادى. سوندىقتان كەي-كەيدە بولسا دا باتىل شەشىمدەر قابىلداۋدان قورىقپاڭىز.
massaget.kz
