Shymkent qalasynda kúzgi jaýyn-shashyn kezinde ırrıgaııalyq aryqtardyń tolyp qalýynyń aldyn alý maqsatynda birqatar jumystar atqarylýda. Qala ákiminiń tapsyrmasyna sáıkes búginde kóshelerdegi ırrıgaııalyq aryqtar tolyqtaı qoqystan tazartylyp jatyr.
Shymkent qalasynyń energetıka jáne kommýnaldyq sharýashylyq basqarmasynyń teńgerimindegi uzyndyǵy 97,7 km keletin 9 ózen-kanal (Qoshqar ata, Qarasý ózenderi men Aqsaı Qarabastaý, Shymkent, Jańa-Shek, Kompas, Toǵys, Sasyq, Yntymaq kanaldary) men ortalyq kóshe boılaryndaǵy 585 km ırrıgaııalyq júıelerdi sanıtarlyq tazalaý jumystary júrgizilýde.
Budan bólek, sý alý qaýpi bar 38 mekenjaıǵa 15,5 shaqyrym ırrıgaııalyq júıe salynyp jatyr. Atalǵan jumystar barysynda Báıdibek bı kóshesi Altyn saraı toıhanasynyń aldy, Tólemetov kóshesindegi Aıbol aıaldamasy, Babashuly kóshesi №115 mekteptiń aldy, Kósherov kóshesi, Dorogo №1 temir jol kópiri, Jibek joly kóshesindegi Tesik kópir ótkeli syndy birqatar ózekti núktelerdegi máseleler sheshimin tappaq.
Sonymen qatar, sý basýdyń aldyn alý maqsatynda ırrıgaııa júıelerdiń negizgi arterııasy sanalatyn Jańa Shek kanaly arnasyn Kazbakaleıtorgtan Aımaýytov kóshesine deıin 4,4 shaqyrym aryqqa kúrdeli jóndeý jumystary júrgizilýde. Jóndeý jumystary osy jyldyń qarasha aıynda aıaqtalady dep josparlanýda.
Shymkent qalasy ákiminiń baspasóz qyzmeti
