Shymkentte alǵash ret kardıohırýrgtar jabyq túrde júreginde ahaýy bar naýqastyń qaqpaqshasyn hırýrgııalyq jolmen aýystyryp berdi. Pyshaqsyz jasalatyn otaǵa jergilikti aq halattylarǵa Nur-Sultan qalasy Ulttyq ǵylymı kardıohırýrgııalyq ortalyǵynan bilikti mamandar kómekke keldi.
Ulttyq ǵylymı kardıohırýrgııalyq ortalyǵynyń ıntervenıondy kardıologııa jáne radıologııa bóliminiń meńgerýshisi Alımbaev Serik jáne kateterleý zerthanasynyń meńgerýshisi Mýsaev Abdýrashıttiń qatysýymen 82 jastaǵy qart kisiniń júregine jabyq túrde operaııa jasaldy. Ota kezinde mamandar naýqastyń aıaq kúre tamyryna jetkizýshi qurylǵy arqyly enip, júrek qaqpashasyn hırýrgııalyq jolmen almastyryp berdi.
«Ota túri - aorta qaqpaqshasyn transkateterli ımplantaııalaý dep atalady. Operaııa jumys isteıtin júrekke jasaldy. Iaǵnı, ókpeni jasandy jeldetýsiz isteldi. Sondyqtan biz otanyń negizgi bóligi - qaqpaqshany almastyrý ýaqytyn 20 sekýndta jasap bitirdik. Shymkenttik dárigerlerdiń múmkindigi zor. Kardıo ortalyqta naýqastar men mamandarǵa qajetti jaǵdaı jasalǵan» - deıdi Ulttyq ǵylymı kardıohırýrgııalyq ortalyǵynyń ıntervenıondy kardıologııa jáne radıologııa bóliminiń meńgerýshisi Serik Alımbaev .
Operaııa jasalǵan 82 jastaǵy naýqasqa «aorta qaqpaqshasynyń stenozy» dıagnozy qoıylǵan. Ádette kardıologtar egde jastaǵylarǵa júregine ota jasaýǵa keńes bermeıdi. Degenmen bul joly bilikti mamandar táýekelge baryp, qart kisiniń júrek qaqpaqshasyn almastyryp berdi. Dárigerler ota sátti jáne tiliksiz ótkendikten, naýqas eki-úsh kún aralyǵynda ońalady deıdi.
Bul tájirıbe almasý otasy nátıjesinde jergilikti medıına mamandary júrek qaqpaqshasyna jabyq túrde ota jasaýdy óz betinshe atqara alatynyn aıtady.
Aıta keteıik, mundaı operaııanyń túri medıınalyq kómektiń kepildendirilgen kólemi sheńberinde eldiń árbir azamatyna aqysyz túrde kórsetiledi.
Shymkent qalasy ákiminiń baspasóz qyzmeti
