"Ómirge kelgenim joq bostan-bosqa"

949

Adam balasy ómirge keledi, jaryq dúnıe esigin ashady. Alaıda, «Ómirge ne úshin keldim?», «Meniń atqaratyn qyzmetim qandaı?» degen saýalǵa tap bolatyn pendeler kóp emes sekildi.

Qasym Amanjolov aıtqandaı: «Ómirge kelgenim joq bostan-bosqa, Men qaıtyp, bosqa jasap, bosqa ólemin?». Jáne de bul óleń joldaryna deıin ol: «Kúnine júz oılanyp, myń tolǵanam, Ózimmen birge ólmesin óleńim dep»,- shyrqaıdy. Iaǵnı, uly aqynymyzdyń dúnıege kelgendegi basty maqsaty óziniń sońynan mol murasyn, qadirli týyndylaryn, jeke shyǵarmashylyǵyn qaldyrý boldy.

Tarıhymyzdaǵy uly tulǵalardyń, qasıetti ata-babalarymyzdyń ómirbaıanyna úńiletin bolsaq, olardyń belgili bir maqsatty meńzegenine taǵy da bir márte kózimiz jetedi. «Jaqsynyń aty ólmeıdi, ǵalymnyń haty ólmeıdi»,- demekshi, uly qaıratkerlerimiz esimderin tarıhqa tańbalap ketti.

Oralhan Bókeı aıtpaqshy: «Ómir eshqashan sheshýi tabylmas jumbaq, Eshkim shyǵara almas qıyn esep». Iá, moıyndaımyz. Ómirge kelgen soń, onyń jumbaq tustary óte kóp. Túrli synaqtardan ótemiz, túrli jaǵdaılarǵa tap bolamyz, túrli adamdarǵa kez bolamyz. Sheshýi joq qıyn esepti sheshý jolynda eńbek etemiz. Sheshý barysynda, múmkin mánder jıynyn boljaımyz.

Stıv Djobstyń aıtqan bir sózi bar. «Men sońǵy 33 jylymda tańerteń aınaǵa qarap, ózime bylaı dep suraq qoıamyn: «Eger búgin meniń ómirimniń sońǵy kúni bolsa, búgingi oılaǵan josparymdy iske asyra alamyn ba?». Kez-kelgen adam osyndaı suraqqa tap bolǵan kezde, esh ókinbesteı jaýap berýine áreket etse, nur ústine nur bolar edi.

Ómir – mektep. Sondyqtan qazirgi urpaq, úırenetin nársemizdi úırenip, ómirde bosqa jasap, bosqa ólmeıik. Keler urpaq bizdiń tarıhymyzdy bilý úshin barynsha áreket etýimiz kerek. Adamzat saparynyń meımany bolǵan soń, qadirli meıman bolǵanymyz artyq emes pe?

 Aıarý Dáýlet,

 «Turan» ýnıversıteti

Jýrnalıstıka fakýltetiniń

2-kýrs stýdenti

Pikirler
Redakııa tańdaýy