Biyl halqymyzdyŋ bırtuar perzentı, qazaq jazba ädebietınıŋ negızın qalauşy, danyşpan, ǧūlama-oişyl, ūly aqynymyz Abai Qūananbaiūlynyŋ 175 jyldyq mereitoiy.
Ūly oişyldyŋ ǧibratty ömırı men şynaiy şyǧarmaşylyǧyn ūlt bolyp bırlesıp, el bolyp damuymyzǧa jol aşatyn qūndylyqqa ainaldyruymyz qajet. Atamyzdyŋ "Qara sözderı", oi-tūjyrymdary älı künge özektılıgın joiǧan emes. Onda ūlt bolmysy, tūrmys tırşılıgı, dünietanymy, mınezı, jany, dını, dılı, tılı, ruhy körınıs tabatyny barşamyzǧa mälım.
Jalpy ömırdıŋ qai salasynda da Abaidyŋ aqylyn alsaŋ, aitqanyn ısteseŋ, el retınde eŋselenemız, memleket retınde mūratqa jetemız.
Abaidyŋ sözı men oiy bızdıŋ künbe-küngı tırlıgımızge örkendı ömırımızge kırpış bolyp qalanyp, bügıngı örkeniet pen aldaǧy bolaşaq talabyna laiyq ūmtylmas tarih şeŋberı bolyp qalatyny sözsız.
Būl künde Abai sözı är qazaqtyŋ aǧzasyna ana sütımen bırge daridy desek artyq aitylǧandyq emes. Ana sütı tän qoregı retınde jas säbidıŋ buyny bekıp, būǧanasy qataiuyna qyzmet etse, aqyn sözı onyŋ sanasyna adamdyq pen azamattyqtyŋ ūryǧyn seuıp qyzmet etedı. Atamyzdyŋ öleŋderın oqysaŋ biıgı joǧary aqyn bolǧanyn tüsınesıŋ. Tılge auyr, arǧy jaǧynda oi salarlyq zılı bar öleŋder. Sol üşın de qazaqtyŋ maŋdaiyna bıtken Ūly tūlǧa der edım.
Nūrdärı Huvlaihan
