Shymkent qalasynyń ákimi jańa oqý jylyna daıyndyq jumystarynyń barysymen tanysty

1322
Adyrna.kz Telegram

Memleket basshysy Qasym-Jomart Kemeluly Toqaevtyń tapsyrmasyna sáıkes Shymkent qalasyndaǵy mektepterde jańa oqý jylyna daıyndyq jumystary qarqyndy júrgizilip jatyr. Osyǵan sáıkes, Shymkent qalasynyń ákimi Murat Áıtenov №24 S.Erýbaev atyndaǵy mektep-lıeıine baryp, 2020-2021 oqý jylyna daıyndyq jumystarynyń barysyn pysyqtady. Oqý synyptaryn aralap, BAQ ókilderimen brıfıng ótkizdi.

Qalada jańa oqý jyly 742 bilim berý mekemelerimen 320 myńǵa jýyq bilim alýshylarmen bastalǵaly otyr.
Qala ákiminiń aıtýynsha, bıyl 13 mektep (6 jańa, 7 qosymsha) jáne 2 óner mektebiniń qurylysy júrýde. Jyl sońyna deıin 5 100 oryndyq 8 mekteptiń (4 jańa, 4 qosymsha)jáne 300 oryndyq 2 óner mektebiniń qurylysy paıdalanýǵa beriledi. Al, 5 mekteptiń qurylysy (2 jańa, 3 qosymsha) 2021 jyly aıaqtalady.
Nátıjesinde, apatty mektepter sany 2-den 1-ge, úsh aýysymdy mektepter sany 19-dan 14-ke azaıady.
«Bıyl 1-synypqa 24 myńnan astam bala keledi dep josparlanýda. Bilim mekemeleriniń jylytý júıelerin jóndeý, qysymdaý jumystary tolyq aıaqtaldy. Jeke qazandyqpen jylytylatyn 25 mekemege 4 793 tonna qatty jáne 190 tonna suıyq otyn tasymaldanýda. Qazirgi tańda aǵymdaǵy jóndeý jumystary aıaqtalyp, 15 mekemege kúrdeli jóndeý júrgizilýde. 17 mektepke sport alańdary, 36 mektepke ishki ájethanalar ornatylýda. Sondaı-aq, sońǵy úlgidegi beıne baqylaý kameralary men 30 mektepke týrnıketter ornatý úshin memlekettik satyp alý jumystary júrgizilip jatyr» - dedi Murat Dúısenbekuly.
Sonymen qatar, jańa oqý jylynda satyp alynatyn 11-synyp oqýlyqtary men qalǵan synyptar úshin qosymsha oqýlyqtardyń 60%-y tasymaldandy. Jumystar tolyǵymen 25 tamyzǵa deıin aıaqtalatyn bolady.

Shymkent qalasy ákiminiń baspasóz qyzmeti

Pikirler