Elimizde karantınge qaramastan, toı toılaý toqtamaı tur. Biri «barmasaq týystarymyz renjıdi» dep aqtalsa, endi biri «indetti jeńdik» degen pikirde.
Qoǵamdyq baqylaý toby músheleriniń aıtýynsha, kópshilik jeńildetilgen karantındi qate túsinip, jappaı toı toılaýǵa kirisip ketken.
Toı ótkizýdiń tyń tásili tabyldy
«Qazirgi tańda 500 adamdy jınap, dúrkiretip toı jasap jatqandar bar. Eń qyzyǵy, meıramhana basshylary men toı ıeleri jıyn ótkizýdiń tyń tásilin taýypty. Keıbireýler ǵımarat esigin ishten qulyptap toı jasaýdy shyǵarǵan. Jurt tipti kúdik týǵyzbas úshin meıramhana aldyna kólikterin de qoımaıdy»,- deıdi olar.
Mamandar adamdardyń kóp jınalýynyń saldarynan ınfekııa qaıta órshýi múmkin degen pikirde.
Osy taqyryp aıasynda «Adyrna» ulttyq portaly áleýmettik jeli qoldanýshylaryna «Toıǵa baryp júrsiz be?» degen saýal tastaǵan bolatyn. Dese de, keıbiri pikirdi bermesten buryn aty-jónderin ózgertýdi surady.
Mádenıet qyzmetkeri Erdáýlet MAKÝLOV toı ótkizgeni úshin salynatyn aıyppul mólsheri az ekenin aıtty.
«300-400 adamǵa toı ótkizýge jaǵdaıy jetken adam 83 myń teńge aıyppuldy tóleı almaıdy dep oılaısyzdar ma? Toı ótkizgenderge qatań jaza qoldanǵanda ǵana elimizde toı toılaý tyıylady»,-dedi ol.
Zamanbek NABIEV:(aty-jóni ózgertildi-red.)
– Úkimettiń naqty toı ótkizýge qadalyp qalǵany durys emes. Qazir kafeler, saıabaqtar ashyldy. Qanshama adam kóshede qydyryp júr. Tipti avtobýstarymyz adamǵa lyq toly ǵoı. Nege biz osy dúnıelerge mán bermeımiz? Qyzyq, adamdar tek toıda jınala ma? Shekteý qoısa, barlyǵyna shekteý qoıý kerek. Óz basym, toı ótkizýdi qoldaımyn. Ol - qazaqtyń qazynasy.
Sısenbaı MALIMBAEV:
–Aqtóbede ala jazdaı barlyq meıramhanalarda toı bolyp jatyr.
Maral BAQTIIaRQYZY:
–Alla saqtasyn, toıǵa apta saıyn baryp júrmiz. Keshe 120 adamdyq toıǵa baryp keldim.
Aıda ESIM:
–Karantın kezinde toıǵa barmappyn. Alla baýyrlarymyzdy aman, baýyrymyzdy bútin qylsyn.
Talshyn JALMIShEVA:
–Toılar ári ketse 50 adammen úı ishinde ótip jatyr.
Samat Azamatuly: (aty-jóni ózgertildi-red.)
–Toı Shymkent qalasynyń ishinde de, syrtynda da ótýde. Kúni keshe Saryaǵash aýdanynda bolǵan 200 adamdyq toıǵa baryp qaıttyq. Onyń nesin jasyramyz, toı barlyq aımaqta bolyp jatyr ǵoı. Qazirgi karantınniń ózi túsiniksiz bolyp ketti. Arqany keńge salyp jiberdik pe dep te oılaımyn.
Ókinishke qaraı, qaýipti vırýstan áli de qutylmadyq. Indetti jeńýge belsene atsalysyp, sanıtarlyq talaptardy saqtap júreıik, oqyrman!
Foto ashyq derekkózden alyndy.
Dıana ASAN,
«Adyrna» ulttyq portaly
