Taşkent oblysy Taşkent audanyndaǧy orta mektep mūǧalımderıne selk etkızerlık tapsyrma berılıptı. Mūǧalımder endı hidjab kietın, jūma namazǧa baratyn oquşylar men ata-analardyŋ tızımın jasauy kerek. Būl turaly islam.kz saity derekközge sılteme jasap habarlady.
"Ozodlik" redaksiiasyna tüsken anketada oquşy men ata-anasynyŋ aty-jönı, tūrǧylyqty jäne jūmys orny körsetılgen. Būǧan qosa, mūǧalımder ata-anasy şetelde jürgen, nemese ekstremistık aǧymdy jaqtaityn oquşylardy körsetuı tiıs.
Taşkent audanyndaǧy №12 orta mektep mūǧalımınıŋ aituynşa, būl tızımdı ata-analar bılmeuı kerek. Mūǧalımder mälımettı audan äkımşılıgıne 2 qazanǧa deiın tapsyruy kerek eken.
Taşkent audanyndaǧy bırneşe mekteptıŋ basşylyǧy mūndai mälımet Taşkent qalasy äkımınıŋ tapsyruymen jinalyp jatqanyn habarlady. Desek te, būl anketadan habardar bolǧan bırer ata ana öz narazylyqtaryn bıldırude. «Oquşylardy dıni senımı üşın qudalamaq pa?» degen sūraqqa ata analar mardymdy jauap ala almai otyr. Bilık tarapy mūndai anketa oquşylardy ekstremistık dıni aǧymdar jetegınen qorǧau maqsatynda jürgızılıp jatqanyn alǧa tartady.
Aita keteiık, Özbekstanda qoǧamdyq oryndarda, mektepterde, joǧary oqu oryndarynda hidjab kiıp jüruge tyiym salynǧan. Ekı jyl būryn respublikada bıryŋǧai mektep formasy engızıldı.
Bızdegı ahual qandai?
Özbek elınde dıni senımmen astyrtyn küres bastaldy deuşıler köp. Alaida basqa-basqa Özbekstan dın mäselesıne qatysty tetıkterın Qazaqstannan äldeqaida erterek būrap, rettep bastaǧan. Uahabbizm, salafizm syndy terıs aǧymdaǧy dınkeşter Özbekstannan tabandaryn jaltyratqaly qaşan. Ökınışke qarai, özbektıŋ jerınen bas sauǧalai qaşqan ekstremistık közqarastaǧy dümşeler Qazaqstanǧa ötıp, bızdıŋ jerımızde qanşamasy qalyp qoiǧan edı. Qazaq elınıŋ zaŋynyŋ solqyldaqtyǧyn özderıne tiımdı paidalanǧan terıs dıni aǧym ökılderı būl künde tamyryn tereŋge jaiǧany sonşa, bırtındep saiasi bilıkke de aralasa bastady. Retı kelıp jatsa, saiasi bilık mınberınen öz pätualaryn tyqpalaudan taiynbaidy. Özbek elındegı anyqtamalyq anketa men qazırgı qazaq dalasyndaǧy dıni ahualdy salystyra otyryp qauıptıŋ qai tūstan tönetının aŋǧaru qiyn bolmas, sırä.
«Öte dūrys! Özbek bilıgı öte saq. Älgındei anketa beker jürgızılıp jatqan joq. Demek, terıs dıni aǧym ökılderınıŋ «iısın» sezgen özbek bilıgı. Ondai dümşeler saŋyrauqūlaqtai qaptap, köbeimei tūrǧanda, naqty şara qoldanu kerek. Äitpese, Qazaqstandaǧy siiaqty dümşelerdı auyzdyqtai almai qalady. Dın degen dünienı zaŋmen myqtap bekıtıp, tyrp etkızbei tastamaiynşa, tynyştyq joq, menıŋşe. Bızde qalai? Är auylda kemı ekı meşıtten bar qazır. Sol meşıttıŋ bärınde şynaiy mūsylmandar jür degenge senesız be? Al şoqşa saqaly şoşaŋdaǧan salafit, uahabbitter el ışın emın- erkın kezıp, uaǧyzyn aityp jürgenı anau. Osydan keiın ne aituǧa bolady?», deidı Türkiiada dıntanu salasyn zerttep jürgen Almas ORYNBAI.
«Dınnıŋ saiasatqa aralasqany, qoǧamnyŋ qūryǧany dep sanaimyn. Özbekstan būl mäselede öte tiianaqty tırlıkter atqaruda. Ökınışke qarai, bızdıŋ elde älı künge deiın türlı dıni senımdegı adamdar arasyndaǧy alauyzdyq, tıptı dūşpandyq örşımese, toqtar emes. Qazaqstan türlı ūlttar mekendegen jer. Sondyqtan mūndai elde eŋ aldymen, dıni senım mäselelerı zaŋmen retteluı kerek edı. Özbekstannan būl tūrǧyda üirenerımız az emes. Terıs dıni senımdegı adamdardan qoǧamdy tazartu üşın bar küştı salmasa, bolaşaqta qazaq bilıgıne tönetın eŋ ülken qauıp solardan bolady», -deidı saiasattanuşy Erkın SABYRBEK.
Qalai desek te, özbek aǧaiynnyŋ terıs dıni aǧym ökılderımen küresınen üirenerımız köp. Qazaq dalasyn da jat aǧymdy jaqtauşy, ūlttyŋ qūndylyǧyna qol salyp, astyrtyn aram nietın jüzege asyruǧa asyǧyp, janatalsqandardan tazartatyn uaqyt jettı. Osy betımen kete berse, tübınde Qazaq degen ūlttyŋ tamyryna terıs aǧym ökılderı jetpesıne kepıldık joq.
Rauana DİMAŞQYZY,
«Adyrna» ūlttyq portaly.
Foto aşyq derekközden alyndy.
Ūqsas jaŋalyqtar
