Aqtóbe oblysynda eki ekstremıst ustaldy, dep habarlaıdy “Adyrna” ulttyq portaly Almaty arnasyna silteme jasap.
Temir aýdanynyń turǵyndary vatsap messendjerinde teris dinı aǵymdy nasıhattaıtyn aýdıo men vıdeo taratqan. Qazirgi ýaqytta polıeıler kúdiktilerdi jaýapkershilikke tartý maqsatynda destrýktıvti materıaldarǵa saraptama jasap, sotqa jiberdi.
«2 azamatqa osy derekke qatysty QR Ákimshilik kodeksiniń 453-baby 1-tarmaǵymen «Buqaralyq aqparat quraldarynyń ónimderin, sol sııaqty ózge de óimderdi daıyndaý, saqtaý, ákelý, tasymaldaý, taratý» baby boıynsha 20 AEK kóleminde aıyppul salyndy», – dedi Aqtóbe oblystyq PD baspasóz qyzmetkeri Erbolat Sarqulov.
Odan bólek, Túrkistan oblysynda da terrorızmdi nasıhattaǵan er adam ustaldy. Tártip saqshylary áleýmettik jelilerde monıtorıng júrgizý arqyly belgisiz adamnyń tyıym salynǵan vıdeolar men mátindik habarlamalar jarııalaǵanyn anyqtaǵan. Jedel izdestirý barysynda kúdiktiniń Arys aýdanynyń turǵyny jáne destrýktıvti dinı aǵymnyń jaqtaýshysy ekeni anyq boldy. Buryn sottalǵan eken.
«Onyń úıin tintý barysynda ár túrli kompıýterlik tehnıka, tyıym salynǵan dinı ádebıetter, uıaly telefon men dıskiler tárkilendi. Qazirgi ýaqytta sotqa deıingi tergeý amaldary jalǵasyp jatyr», – dedi Túrkistan oblysy PD resmı ókili Saltanat Qarakózova.
“Adyrna” ulttyq portaly
