Şymkent qalasy Äl-Farabi audanynda käsıpkerlık salasy qarqyndy türde damyp keledı. Atap aitqanda, biyl audan aumaǧynda 24 ırı käsıpkerlık nysany salynuda. Alǧaşqy 9 aida 13 nysannyŋ qūrylysy aiaqtalyp, ıske qosylǧan.
Būl turaly Şymkent qalasynyŋ qala äkımı Mūrat Äitenovke 9 aida atqarylǧan jūmystar jönınde esep bergen Äl-Farabi audanynyŋ äkımı Ǧabit Mäulenqūlov baiandady.
Audan äkımınıŋ aituynşa, käsıpkerlık nysandarynyŋ qūrylysy kezınde jäne olar ıske qosylǧannan keiın 548 adam jūmyspen qamtylǧan. Jalpy, osy nysandardyŋ qūrylysyna 4 milliard teŋge investisiia tartyldy.
Bügınde qalǧan 11 nysannyŋ qūrylysy jalǧasuda. Olardyŋ arasynda ortalyq «Qyrǧy bazar» men «Darhan» bazaryn qaita jaŋǧyrtu jūmystary bar.
«Darhan» bazaryndaǧy kürdelı qūrylys jūmystary 2020 jyly bastalyp, 2021 jyldyŋ jeltoqsan aiynda aiaqtalady dep josparlanuda. Qūrylys jūmystaryna «Biznestıŋ jol kartasy – 2025» baǧdarlamasy aiasynda «Damu» käsıpkerlıktı damytu qory arqyly 100 mln. teŋge subsidiia bölıngen.
Esep beru kezınde Ǧabit Patşahanūly qala äkımıne köp qabatty tūrǧyn üilerdıŋ aulasyn abattandyru, tūrǧyn-üi kommunaldyq şarauaşylyqty damytu, joldardy jöndeu, şalǧai eldı mekenderdı körkeitu jäne qysqy jylytu mausymyna daiyndyq jūmystary turaly baiandady.
Şymkent qalasy äkımınıŋ baspasöz qyzmetı
