Shymkent qalasynyń ákimi Murat Áıtenovtiń tóraǵalyǵymen tótenshe jaǵdaılardyń aldyn alý jáne joıý jónindegi qalalyq komıssııanyń kezekten tys otyrysy ótti.
Komıssııa otyrysynda qysqy kezeńge daıyndyq, jylytý kezeńinde ýly gazben ýlanýdyń aldyn alý máseleleri, sondaı-aq qalanyń sý tasqyny qaýpi bar ýchaskeleriniń máseleleri qaraldy.
Jıynda sóz alǵan Shymkent qalasy TJ departamentiniń bastyǵy Nurbolat Derbisov qysqy kezeńge Departamenttiń arnaıy tehnıkasy daıyn ekendigin aıtty.
Sondaı-aq, qalanyń sý qoımalaryndaǵy sý basý qaýipi bar ýchaskelerdi joıýǵa baǵyttalǵan is-sharalar talqylanyp, áleýmettik osal otbasylardyń úılerine gaz dabylqaqqyshtaryn alý jáne ornatý múmkindigin qarastyrý usynyldy.
Komıssııa otyrysynyń qorytyndysy boıynsha qala ákimi kommýnaldyq qyzmet tehnıkasynyń ázirligin tekserý jóninde tıisti sala basshylaryna tapsyrmalar júktedi.
Shymkent qalasy ákiminiń baspasóz qyzmeti
