Bügın, 4 qazan ūly ūstaz, ǧalym, türktanuşy, ädebi synşy, audarmaşy, filologiia ǧylymynyŋ doktory , professor Beisenbai Kenjebaevtyŋ tuǧan künı. 1904 jyly qazırgı Türkıstan oblysy, Ordabasy audany,Bögen auylynda düniege kelgen. "Adyrna" ūlttyq portaly ǧalym ömırı jaily derektı ūsynady.
https://youtu.be/P-ayrkPDgwg
1925 jyly Mäskeudegı Şyǧys eŋbekşılerı kommunistık universitetın, Ädebiet institutynyŋ 2-kursyn, 1942 jyly QazMU-dy (qazırgı QazŪU) bıtırgen.
«Jas qairat», «Leninşıl jas» (qazırgı «Jas alaş», 1923–28), «Keŋes tuy» (1929–30), «Oŋtüstık Qazaqstan» (1932–33), «Sosialistık Qazaqstan» (qazırgı «Egemen Qazaqstan», 1928–29, 1931–32, 1933–35), t.b. gazet-jurnaldarda bölım meŋgeruşısı, redaktordyŋ orynbasary, redaktor, 1938 – 1941 – «KSRO Joǧarǧy Keŋesınıŋ Vedomostarynda» audarmaşy, 1941-1944 – Qazaqstan memlekettık bırıkken baspasynyŋ bas redaktory bolyp qyzmet ıstegen. 1961 jyldan QazMU-da kafedra meŋgeruşısı, 1975-1987 jyldary osy universitette professor boldy.
«XX ǧasyrdyŋ bas kezındegı qazaqtyŋ demokrat jazuşylary (monografiia boiynşa)» degen taqyrypta doktorlyq dissertasiia qorǧaǧan. Kenjebaev – qazaq ädebietınıŋ mäselelerıne, qazaq baspasözınıŋ tarihyna arnalǧan ırgelı eŋbekterdıŋ, Abai, S.Toraiǧyrov, Jambyl Jabaev, M.Seralin, M.Äuezov, S.Şärıpovtıŋ ömırı men şyǧarmalary turaly zertteulerdıŋ avtory. Joǧary oqu oryndary studentterıne arnalǧan «XX ǧasyr basyndaǧy qazaq ädebietı» oqulyǧyn, «Ertedegı qazaq ädebietı hrestomatiiasyn» (1967) jariialady. Auyz ädebietı ülgılerın jinau, jüieleu, zertteumen ainalysty. Keŋestık kezeŋde kommunistık ideologiiaǧa orai, qazaq ädebietınıŋ tarihy Būqar jyraudan (HIH ǧ.) bastalady degen jaŋsaq pıkırdı terıske şyǧaryp, onyŋ Orhon-Enisei jazbalarynan bastalatyndyǧyn ǧylymi tūrǧydan däleldedı.
Ūly ūstaz – 1987 jyly 17 şıldede Almaty qalasynda ömırden ozdy.
Ūqsas jaŋalyqtar
