Bala quqyqtary jónindegi ýákil Dınara Zakıeva meshit ustazynyń kámeletke tolmaǵan balalardy uryp-soǵý oqıǵasyna qatysty pikir bildirdi, dep habarlaıdy «Adyrna» tilshisi.
«Bul jaǵdaı meniń baqylaýymda. Ata-ananyń eshqandaı shaǵymymyz joq degenine qaramastan, tergeý jumystary júrip jatyr. QR QK 140 babyna sáıkes is qozǵaldy. IIM vıe-mınıstri K. Súntaev jáne óńirlik Bala quqyqtary jónindegi ýákilmen baılanystamyn. Óńirlik ýákil oqıǵa ornyna barady»,—dedi ol.
Aıta keteıik, buǵan deıin áleýmettik jelide mektep jasyndaǵy kishkentaı eki balanyń dene jaraqatyn alǵan vıdeosy qyzý talqylanyp jatqanyn jazǵan edik. Beınejazbada balalardy medresede hadısterdi jattamaǵany úshin urǵandyǵy aıtylady. Qazaqstan musylmandar dinı basqarmasynyń baspasóz hatshysy oqıǵaǵa qatysty túsinikteme berdi. Aıtýynsha, «Taspaý Sálimbaı» meshitiniń ustazy ózge turmystyq máseleler boıynsha ashýlanyp, óz emoııasyn tizgindeı almaı, kámeletke tolmaǵan balalarǵa qol jumsaǵan.
