Ulttyq bank qazan aıynan bastap 2006 jyly shyqqan eski aqshalardy qabyldaýdy toqtatady. 2 myń, 5 myń, 10 myń teńgelik banknottardy aıyrbastaý ýaqyty aıaqtalady.
Qazaqstan shetelge áýe reısterin toqtatady
5 qazannan bastap elimizde basqa elderge ushatyn áýe reısteri toqtap, Túrkııaǵa ushatyn reıster sany qysqarýy múmkin. Alekseı oı ózge memleketterdegi jaǵdaıdy eskerip, reıster sanyn azaıtýdy talap etti.
Almatyda qoǵamdyq kólik ýaqyty uzartylady
Almaty qalasynda avtobýstar saǵat 06:00-den 23:00-ge deıin júretin bolady. Sonymen qatar, senbi-jeksenbi kúnderi qoǵamdyq kólikter óz jumysyn jalǵastyrady. Jolaýshylar araqashyqtyqty saqtap, betperde taǵýǵa mindetti.
Jolaýshylar poıyzdary jańa kestemen júredi
Qazan aıynan bastap keıbir jolaýshylar poıyzy jıi qatynaı bastaıdy.
Júrý jıiligi artqan poıyzdar:
№1/2 "Almaty-2 – Shymkent" poıyzy – aptasyna 1 retten 3 retke deıin, Almatydan-2 stansasynan 10 qazannan, al Shymkentten 11 qazannan bastap;
№11/12 "Almaty-2 – Shymkent" poıyzy – aptasyna 2 retten 4 retke deıin, Almatydan-2-den 13 qazannnan, al Shymkentten 14 qazannan bastap;
№31/32 "Almaty-2 – Pavlodar" poıyzy – kún saıyn, Almaty-2-den 11 qazannan bastap, Pavlodardan 12 qazannan bastap;
№603/604 "Nur-Sultan Nurly jol – Arqalyq" poıyzy – kún saıyn, Nur-Sultannan 2 qarashadan, al Arqalyqtan 3 qarashadan bastap.
Májilis saılaýy
Osy aıda parlament saılaýynyń ótetin kúni aıtylýy múmkin. Qazirgi shaqyrylymdaǵy májilistiń ókilettigi 2021 jyldyń 24 naýryzynda aıaqtalady. Zań boıynsha Qazaqstan prezıdenti parlament saılaýynyń ótetin kúnin 2020 jyldyń 24 qazanynan keshiktirmeı belgileýi tıis.
Ońtústik aımaqqa jylý beriledi
Búginnen bastap Aqtóbe men Atyraý oblysyna jylý qosyldy. Jospar boıynsha 15 qazannan bastap ońtústikke jylý beriledi.