«Qazaqstannyń halyq jazýshysy» ataǵy qaıta beriledi, dep habarlaıdy «Adyrna» ulttyq portaly
Bıyl Memleket basshysy Qasym-Jomart Toqaev Túrkistanda ótken Ulttyq quryltaıda «Qazaqstannyń halyq jazýshysy» ataǵyn qaıtarý tapsyrmasy aıasynda Ashyq NQA portalynda Úkimet qaýlysynyń jobasy jarııalanǵan bolatyn.
Bul ataqqa buǵan deıin «Qazaqstannyń eńbek sińirgen qaıratkeri» jáne ádebıet salasyndaǵy Memlekettik syılyq laýreaty atanǵandar úmitker bola alatyn.
«Qazaqstannyń halyq jazýshysy» qurmetti ataǵy Qazaqstan Respýblıkasynyń ádebıetin damytýǵa erekshe úles qosqan, buryn «Qazaqstannyń eńbek sińirgen qaıratkeri» jáne (nemese) ádebıet salasyndaǵy Qazaqstan Respýblıkasy Memlekettik syılyǵynyń laýreaty atanǵan tulǵalarǵa beriledi», - delingen Úkimet qaýlysynyń jobasynda.
Úkimet qaýlysyna qosa berilgen túsindirme jazbada «Qazaqstannyń halyq jazýshysy» qurmetti ataǵy tóbelgisiniń sıpattamasy jazylǵan.
Tósbelgi dıametri 30 mm durys sheńber nysanyndaǵy jezden daıyndalyp, onyń betki jaǵynda kitap pen qaýyrsyn beınelenetin bolady. Al joǵarǵy bóliginde tósbelgi sheńberi boıymen «Qazaqstannyń halyq jazýshysy» degen jazý ornalasady.
Aıta keteıik, «Qazaqstannyń halyq jazýshysy», «Qazaqstannyń halyq ártisi», «Qazaqstannyń halyq aqyny» ataqtaryn berý 1994 jyldan bastap toqtatylyp, olardyń ornyna «Qazaqstannyń eńbek sińirgen qaıratkeri» ataǵy taǵaıyndalǵan bolatyn.
«Adyrna» ulttyq portaly
