«Soltüstık-Oŋtüstık» kölık dälızınıŋ qūramyna kıretın Qazaqstan – Türkımenstan – İran halyqaralyq temırjol magistralı keste boiynşa jūmys ıstep tūr, dep habarlaidy "Adyrna" ūlttyq portaly.
«Qazaqstan temır joly» jükterdı ötkızude eşqandai ırkılıster men qiyndyqtar baiqalmaǧanyn atap ötken.
«Qazırgı uaqytta magistral ştattyq rejimde jūmys ıstep tūr. Tasymaldau prosesı kestege säikes jüzege asyryluda, poiyzdar qozǧalysynda kıdırıster, sondai-aq jükterdı ötkızu men resımdeude mäseleler tırkelgen joq», — delıngen kompaniianyŋ agenttık saualyna bergen jauabynda.
Öŋırdegı qazırgı jaǧdaiǧa bailanysty jük jöneltuşıler nemese jük qabyldauşylar tarapynan tasymaldauǧa berılgen ötınımderdı qaitaryp alu derekterı baiqalmaǧan. İran temırjoldarynan alynǧan mälımetke säikes, el aumaǧyndaǧy temırjol infraqūrylymy qalypty jūmys ıstep jatyr.
QTJ tobyna kıretın KTZ Express logistikalyq kompaniiasy ötınımderdı qabyldau men öŋdeudı jalǧastyruda. Tasymaldau prosesın odan ärı ūiymdastyru üşın qūjattardy İran temırjoldaryna uaqytyly tapsyrudy qamtamasyz etude.
