Üş jyldan keiın qaita aşylǧan Qorǧas arqyly 1 aida şekaradan 360 myŋnan astam adam öttı. Būl turaly Qytaidyŋ Almatydaǧy Bas konsuly jurnalistermen ötken kezdesuınde mälım ettı, dep habarlaidy “Adyrna” ūlttyq portaly.
«Qorǧas» halyqaralyq ortalyǧy arqyly Qazaqstan men Qytai arasyndaǧy bailanys damyp jatyr. Aldaǧy uaqytta keluşıler sany būdan da köp bolatyny haq. Qazırdıŋ özınde künıne 12 myŋǧa juyq adam kelıp jür. Yntymaqtastyq ortalyǧy bajsyz saudany, offşorlyq qarjylandyru men turizmdı, sondai-aq körmelerdı damytuǧa küş saldy. Qorǧastyŋ Qytai bölıgınde bügınde 35 jaŋa joba äzırlenıp, sonyŋ 15-ı ıske asyrylǧan, – dedı Qytai Halyq Respublikasynyŋ Almatydaǧy bas konsuly Szian Vei.
Sondai-aq, “Qorǧas” şekarasyndaǧy Qytai bazarynan qazaqstandyqtar 1 aida 31 kelıden artyq tauar alyp kete almaidy. Zattardyŋ jalpy qūny myŋ eurodan aspauy kerek.
Satyp aluşylar avtobusqa özımen 5 kelı jük qana alyp kıredı. Al qalǧanyn äuejaidaǧydai jük tasymaldau punktıne tapsyruǧa mındettı.
Ūqsas jaŋalyqtar
