«Qolda» şaǧyn bizneske kömektestı

2020 jyly mamyrdyŋ ortasynda «Bizneske arnalǧan jedel järdem» jobasy Euraziia Ortalyq Aziia Qory «Şevron» kompaniiasymen serıktestıkte jüzege asyrǧan «Qolda» şūǧyl kömek baǧdarlamasy aiasynda bastalǧan bolatyn. Bastama ärtürlı deŋgeidegı şaǧyn käsıporyndar pen jeke käsıpkerlerge karantin men TJ kezınde kömektesuge baǧyttalǧan. Elımızde koronavirustyŋ zarbadyn şaǧyn jäne orta käsıpkerlık subektılerı, onyŋ ışınde otbasylyq kompaniialar da tartyp otyr. Qazaqstan otbasylyq biznes assosiasiiasynyŋ  deregınşe, qazırgı uaqytta Qazaqstanda tırkelgen firmalardyŋ  70%-dan astamy – otbasylyq kompaniialar. Joba barysynda toptyq jäne jeke konsultasiialar, treningter, kezdesuler, vebinarlar ötkızıldı, sonymen qatar bizneske arnalyp jeke damu josparlary jasaldy. 50%-dan astam käsıpkerler internetke köşu mäselelerı, karantin men TJ jaǧdaiynda jūmys ısteu boiynşa habarlasty.  25%  käsıpkerler biznestı jabudy nemese uaqytşa toqtatudy josparlaǧan.  95% memleket tarapynan eşqandai kömektıŋ joqtyǧyn, daǧdarys uaqytynda jūmys jasauǧa mümkındıktıŋ az ekenın aitty. 99% käsıpkerler pandemiiaǧa bailanysty bastalǧan ekonomikalyq daǧdarystyŋ zardabyn tartqan, olarǧa psihologiialyq jäne moraldyq kömek qajet boldy. Nätijesınde 288 jeke damu jospary jasaldy. Onda käsıpkerler artyq şyǧynsyz jüzege asyra alatyn daǧdarysqa qarsy äreketter jinaqtalǧan. 2000-ǧa juyq biznes boiynşa mamandar men psihologtardyŋ  jeke konsultasiialary öttı. Sonymen qatar, käsıpkerlık taqyrybynda  21 vebinar men 14 motivasiialyq kezdesu öttı. «Prosessterdı qūru, josparlau, JDJ daiyndau – «Bizneske arnalǧan jedel järdem» jobasy aiasynda käsıpkerlerdı alaŋdatqan negızgı sūraqtar. Jabyludyŋ aldynda tūrǧan kompaniialar da bızdıŋ kömegımızge jügındı. Keibır käsıpkerlerge biznestı saqtap qaluǧa yqpal etsek, keibırıne zaŋdy türde qyzmetın toqtatuǧa nemese uaqytşa toqtatuǧa kömektestık. Batyl qadam jasauǧa qoryqqan käsıpkerlerde bolǧan özgerısterdı körıp quandyq. Būl jerde käsıpkerdıŋ ornyna bırnärse ıstep beru emes, oǧan qoldau körsetıp, dūrys baǧyt beru maŋyzdy. Tıptı olardyŋ jaŋa oilaryn der kezınde maqūldaudyŋ özı de nätije beredı», – dep atap öttı  Qazaqstan otbasylyq biznes assosiasiiasynyŋ biznes-prosesster boiynşa sarapşysy Tatiana Şpilkova. Qazaqstan otbasylyq biznes assosiasiiasynyŋ biznestı damytu boiynşa sarapşysy Aida Qamysovanyŋ aituynşa: «Joba barysynda bızdıŋ käsıpkerlerımızdıŋ erteŋgı künın oilamaitynyna köz jetkızdık. Olar «qauıpsızdık jastyǧyn» jasaudy oilamaidy jäne bizneske tüsken paidanyŋ barlyǧyn özınıŋ tabysy retınde köredı. Bızdıŋ mikrobiznes ökılderınıŋ qarjylyq sauattylyǧynyŋ mülde tömen ekenıne köz jetkızdık». Nätijesınde 20% juyq käsıpkerler der kezınde käsıbıne özgerıs engıze aldy. Kanseliarlyq tauarlar dükenınıŋ direktory Aigül Rahimova «Bizneske arnalǧan jedel järdem» jobasynyŋ arqasynda käsıbın oflainnan onlainǧa köşırdı. «Qazır jaldamaly ofisten bas tartyp, qoimany ǧana qaldyrdym. Qazır kompaniianyŋ barlyq qyzmetkerlerı qaşyqtan jūmys ıstep otyr. Bız şyǧyndardy azaitudyŋ arqasynda, jaǧdaidy ūtymdy paidalandyq dep aita alamyn» ,-deidı Aigül. Joba qorytyndysy boiynşa biznestıŋ ärtürlı baǧyttary boiynşa qyzmet körsetetın sarapşylardyŋ bıryŋǧai bazasyn jasau turaly şeşım qabyldandy. Servis  2020 jyly qazanda ıske qosylady. Ony QR boiynşa barlyq käsıpker paidalana alady. Esterıŋızge sala keteiık, «Bizneske arnalǧan jedel järdem» jobasyna Ortalyq Aziianyŋ Euraziia Qory «Şevron» kompaniiasymen bırge karantinnıŋ halyqqa tigızetın kerı äserın tömendetu, qoǧamdyq jäne erıktıler ūiymdaryn qoldau, BAQ arqyly halyqty aqparattandyru maqsatynda  ūiymdastyryp jatqan «Qolda» şūǧyl kömek jobasy aiasynda qarjylai qoldau körsetılgen bolatyn.   OAEQ – Ortalyq Aziianyŋ Euraziia Qory (OAEQ) – 2005 jyly aimaqta qūrylǧan ükımettık emes ūiym. OAEQ jergılıktı qauymdastyqtardy nyǧaitu men azamattyq jäne ekonomikalyq äl-auqatyn jaqsartu arqyly, azamatttardyŋ öz bolaşaǧyn qūruda belsendı qatysuǧa kömektesu üşın qoǧamdyq jäne jeke resurstardy jūmyldyrady. «Şevron» korporasiiasy – düniejüzındegı eŋ ırı energetikalyq kompaniialardyŋ bırı. Ol şikı mūnai men tabiǧi gazdy geologiialyq barlau, öndıru jäne tasymaldau; kölık otyny men mailau materialdaryn qaita öŋdeu, ötkızu, jäne taratu; mūnai himiia önımderı men qosymşalardy öndıru jäne satu; jäne kompaniianyŋ är salasyndaǧy tiımdılıktı nyǧaitu tehnologiialaryn jüzege asyrumen ainalysady. «Şevron» Qazaqstandaǧy aldyŋǧy qatarly jekemenşık mūnai öndıruşı jäne eldegı ekı eŋ ırı ken orny – Teŋız jäne Qaraşyǧanaq jobalary aksiialarynyŋ edäuır bölıgıne ie. Sondai-aq, «Şevron» Kaspii qūbyr jelısı konsorsiumynyŋ eŋ ırı jekemenşık aksionerı, sonymen qatar, Atyraudaǧy polietilen qūbyrlar zauytyna ielık etedı.