Qumarlyqtyń qupııasy

2809
Adyrna.kz Telegram

Úsh nárseniń mańyzy joq: jastyń, bet-álpettiń, minezdiń. Adamnyń tartymdylyǵy oǵan táýeldi emes.
Qyzdyń jasy 20 bolǵanda oǵan báribir. Ol ózine unaıdy. Eshkimnen qoryqpaıdy. Unaǵan jigitpen qol ustasady. Unamaǵannyń keýdesinen keri ıteredi. Másele, 15 jyldan keıingi jaǵdaıy neshik? Soǵan tirelip tur. Ol adam tanymastaı ózgeredi. Óz-ózine unamaıdy. Keıpi adam shoshyrlyq. Kosmetıkalyq salondarǵa barǵyshtaıdy. Plastıkalyq hırýrgtardyń aldyn bosatpaıdy. Báriniń sebebi – jastyq shaǵyn saqtap qalý degen patologııalyq tilek. Elge unasam deıdi.
35+ jastaǵy áıel zatynyń júrisi ózgeredi. Búkireıip, aıaǵyn ishke basady. Senimsizdigi baıqalady. Burynǵydan eki ese kóp boıanady. Kosmetıkany tonnalap qoldanady. Sebebi, óz bet-júzinen uıalady. Osymen tyıylsa jaqsy. Keıbiri jeńil kosmetıkalyq proedýradan kúrdelisine aýysady. Aqyry otamen aıaqtalady. Shyn máninde bul óte qıyn patologııa. Óz tánińdi zorlaý. Medıınalyq taǵaıyndaýlarsyz ózińdi keskileýge ruqsat etý. Adam densaýlyǵyn saqtaý úshin jasalatyn otanyń jóni bólek. Al, sulýlyq úshin ózińdi aıamaý degen patologııa. Alaıda osy jastyq shaǵymdy saqtap qalsam degen tilek báribir oryndalmaıdy.
Nege ekenin bilesiz be?
Áıeldiń sanasynda 20 jasta meni bári jaqsy kóredi degen stereotıp otyrady. Iaǵnı, el meni jaqsy kórý úshin men 20 jastaǵy qyzdaı sylanyp júrýim kerek dep sheshedi. 20 jasar qyzdy sulý bolǵany úshin emes, ózine senimdi bolǵany úshin jaqsy kóretini mıyna qonbaıdy. Al qazirgi 35 jasta sol senim setineıdi. Ózin keremet sezinbeı qalady.
Qazirgi zamanda jastyq shaqty saqtaý degen gıpertrofıkalyq kýlt bar. 20-dan 40 jasqa deıingi erler jalpy jastyq shaq týraly oılanbaıdy. Al 45 asqan soń kóp er adam qartaıyp bara jatqanyn sezinedi. Áli de tartymdy ekenin seziný úshin ózine jas qyz izdeı bastaıdy. Tabý-tappaýy ekitalaı, árıne. Degenmen, sol jas qyzǵa degen umtylysy álgi kýltty týdyrǵany. Tek jastar unaıdy, tek jastar qalaıdy, tek jastar qumartady dep oılaıdy.
Esh paıdasy joq shtamptar bar. Turmysqa tek jastar shyǵady. Tek jas adamǵa qumartady. Tek durys erkektermen tanysatyn arnaıy oryndar bar. Seni baǵalaýy úshin birqatar arnaıy isti meńgerý shart. Bári ótirik. Tamasha jigitti avtobýsta da kezdestiresiń. Nemese qoqys tógýge shyqqanda. Dúkende kezekte turǵanda. Taǵysyn taǵy.
Sen ózińdi qalaı baǵalasań, aınaladaǵy adamdar da seni solaı baǵalaıdy degendi aıtqannan sharshaǵan emespin. Ol erkekke de qatysty. Biraq qazirgi áńgime ol týraly emes. Ózińdi qalaı sezinseń, bul bet-álpetińde kórinis beredi. Nege? Sebebi, erkek seniń bet-álpetińdi emes, ne sezingenińdi ǵana kórmek. Al eger áıel bóten júzben júrýge daıyn bolsa, endeshe ishteı ol ózin múlde jaqsy kórmegeni. Óziniń bolmysyn baǵalaı almaıtyny. Eshbir ota muny jasyryp qala almaıdy.
Qumarlyǵyn oıatatyndaı tartymdy bolý degen ne?
Seksýaldy tartymdylyq – bul belgili bir parametrlerdiń jıyntyǵy emes. Soǵan saı bolýǵa talpyný qajet emes. Eger adamǵa óz táni unasa, sol adam tartymdy. Birneshe tanymal juptardy atap ketkim kelip tur. Olardyń zaıyptarynyń eshbiri sulý deýge kelmeıdi. Ioko Ono – sonyń jarqyn mysaly. Túrden túr joq, symbaty da onsha emes, kózge túserlik dymy joq. Al Lennon – symbatty, ıyǵy keń, kelbetti jigit. Pırs Brosnan men onyń 120 keli áıeli. Hıý Djekman men onyń Deborasy. Banderas pen Grıffıt. Talaı adamdy atap shyǵýǵa bolady.
Qumarlyq degen tán symbatyna, jasyńa, salmaǵyńa, qansha ájimiń baryna qaramaıdy. Qumarlyq ishten shyǵady. Adam bolmysy solaı jaralǵan. Adamnyń psıhıkasy solaı jaralǵan. Eger adam ózine unaı bastasa, onda sol sátte syńaryn taýyp alady. Nazar aýdaratyndar, kóńil bildiretinder, mahabbatyn dáleldeıtinder tabyla ketedi. Jas shamasy da, syrtqy álpet te, minez de qumarlyqqa kedergi bola almaıdy.

 Mıhaıl Labkovskıı
Aýdarǵan Shynar Ábilda

"Adyrna" ulttyq portaly

Pikirler