Jemqorlyq qylmysyn jasap, shetelge qashyp ketken QR Aýyl sharýashylyǵy mınıstrligi «Kazvodhoz» RMK-nyń Aqmola fılıaly dırektorynyń burynǵy orynbasary óz erkimen elge oralmaq. Bul týraly búgin onlaın rejımde ótken brıfıngte oblystyq Sybaılas jemqorlyqqa qarsy is-qımyl departamentiniń basshysy Murat Tóleýbaev aıtty, dep habarlaıdy QazAqparat portaly.
Vedomstvo basshysynyń aıtýynsha, oblystyń jemqorlyqqa qarsy qyzmeti ártúrli jazaǵa tartylǵan QR AShM «Kazvodhoz» RMK-nyń birqatar laýazymdy tulǵasyna qatysty sotqa deıingi tergeýdi aıaqtady.
Osy rette, atalmysh kásiporynnyń Aqmola oblystyq fılıaly dırektorynyń orynbasary sotqa deıingi tergeý sharalarynan qashyp, AQSh aýmaǵyna jasyrynǵan bolatyn. Oǵan halyqaralyq izdeý jarııalandy.
«Jemqorlyqqa qarsy qyzmettiń qyzmetkerleri izdeýde júrgen adamnyń týystarymen júrgizgen túsindirý jumystarynyń nátıjesinde kúdikti bıylǵy 21 tamyzda keltirgen shyǵyndy, ıaǵnı 46 187 614 teńgeni tolyǵymen ótedi. Sonymen birge, ol Qazaqstan Respýblıkasyna qaıtyp kelýge daıyn ekenin jetkizdi», – dep atap ótti Murat Tóleýbaev.
