Muǵalimge shyn mártebe bergimiz kelse mektepti basqarý júıesin ózgertetin kez keldi. Ol úshin eń aldymen mekteptegi BASTY TULǴA bilim berýshi - MUǴALIM bolý kerek! Ol úshin dırektor, zavých degen ákimshil-ámirshil basqarýshylyq júıeni uıymdastyrýshy-menedjerlik júıege ózgertken jón.
1) Oqý menedjeri - qazirgi tilde oqý isi orynbasary;
2) Tárbıe menedjeri - qazirgi tilde tárbıe jónindegi orynbasary;
3) Bas menedjer - qazirgi tilde dırektor.
Bul qyzmetterdiń atymen qosa ZATY ózgerý qajet. Oqý menedjeri degenimiz "Josparyń qaıda?! Tez ákel, qol qoıam!", "Áı qaıdasyń, sabaǵyńda nege otyrmaısyń?!", degen ákireńdegen aıqaıshy emes! Muǵalimge bala oqytýǵa jaǵdaı jasaýshy, jaqsy bilim berýge, ýaqytynda kelýge ne jetpeı jatqanyn zertteýshi menedjer bolý kerek.
Tárbıe menedjeri: "Bilim kúnine ótkizgen sabaqtaryńnyń fotootchetyn nege tapsyrmaǵansyńdar?! Tilder kúnine nege sabaq josparyn bekitpegensińder?! 1 saǵat ýaqyt berem" dep bitpeıtin jospar, esep suraýshy emes, kersinshe osyny ózi uıymdastyrýshy menedjer bolý kerek.
Bas menedjerdiń qyzmeti bilim berýshi (muǵalim) men bilim alýshynyń (oqýshy) jaǵdaıyn jasaýǵa baǵyttalý kerek. Bas menedjer jańa zamanǵa saı, jańa tehnologııalar tilin jetik meńgergen, muǵalimderge oqytýdyń túrli ádis-tásilderi boıynsha keńes beretin, bylaısha aıtqanda masterklass ótkizetin maman bolǵany jón.
Qysqasy bilim berýdi uıymdastyrýdy túbegeıli ózgertip, muǵalim ózin bireýdiń qol astyndaǵy jumysshy seziminen arylyp, tulǵalyq qasıeti qalyptaspaı, mártebesiniń bıikteýine zań da, basqa da kómektese almaıdy.
Men qazaqtyń balasy
