Mıllıoner ana bolý ońaı emes, sebebi otbasy men bıznesti qatar alyp júrý árkimniń qolynan kele bermeıdi. Nazarlaryńyzǵa ómirdiń synaqtaryna tótep bere bilgen mıllıoner ári kópbalaly ana Denı Djonsonnyń bala tárbıesindegi 6 ustanymyn usynamyz.
Denı Djonson:
Balalardy maqsatty túrde tárbıeleý
- Baılar bolashaq Garvard túlekterin, dárigerlerdi ne keleshek prezıdentterdi tárbıeleıdi. Áleýmettik jaǵdaıy ortasha otbasylar «Múmkin balamnyń joly bolyp keter» degen oımen ǵana tálim beredi.
Meniń aýqatty turatyn dostarymnyń otbasylarynda bir qyzyq oqıǵa oryn aldy. Uldarynyń oqýǵa degen yntasy ashylmaı, ómirde ne istegisi keletinin bilmeı dal bolady. Sol kezde otaǵasy balasyn úısizderge arnalǵan baspanaǵa tegin jumys jasaýǵa jiberedi. Bir aptadan keıin jetkinshek úıge oqýǵa jáne otbasylyq bızneske aralasamyn degen zor qulshynyspen oralady.
Mobıldi telefonsyz jáne teledıdarsyz balalyq shaq
- Búginde qarapaıym balanyń «jan dosy» kim ? Áste, teledıdar, mobıldi telefon jáne kompıýter. Denı Djonsonnyń balalary alǵashqy telefondaryna 16 jasynda ǵana qol jetkizdi, al teledıdar úıde múldem bolmapty.
Bıznes ledı bylaı syr shertedi: «Meniń balalarym mobıldi telefon ustamaıdy, sebebi olar múldem aqsha tappaıdy. Telefon adamdy óz ýaqytyn rettemeýge jáne josparlamaýǵa úıretedi, al teledıdar durys emes ómir modelderin kórsetedi. Spanch Bob týraly mýltfılm sizdi nege úıretedi? Óz betimen ketken jalqaý ózgelerdi aldap, san soqtyrǵanyna ǵana máz. Siz uldaryńyzdyń osyndaı er adam bolyp óskenin qalaısyz ba? Al qyzdardyńyzdy sondaı jigitke uzatar ma edińiz? Eger 30 kún teledıdar qaramasańyz, bul táýeldilikten qutylýǵa bolady».
Balany jumysty súıýge úıretińiz
- Demalys kúnderi jaqyndaǵanda balalaryńyz qandaı sózder esteıdi? «Alaqaı, erteń juma», «Endi bul jumystan demalatyn boldym», «Meniń bastyǵym shoshqa sekildi, al jumysym múldem unamaıdy». Osyndaı sózderdi estigen bala qalaı myqty jumysker, eńbekqor qyzmetker bolady?!
Siz balańyz úshin bankomat emessiz
- Men balama aıaq kıim satyp alý úshin 50 dollar beremin. Ol aqshaǵa keremet aıaq kıim satyp ala almaısyz. Eger balam qymbat dúnıeni qalasa «Óziń aqsha tap nemese jappaı satylymdy kút» deımin.
Ata-ana jasaýy múmkin eń jaman nárse – ózderi aqsha taýyp, ózderi qol jetkize almaǵan dúnıelerdia balalaryna alyp berýi. Alaıda balalar ósken kezde daıyn asqa tik qasyq bolǵysy keledi.
Jumsaý kerek pe álde jınaý kerek pe?
- Aqshany jumsaýdyń eki joly bar: kerek emes dúnıelerdi satyp alý arqyly nemese balalardy aqshany jınaýǵa, tabýǵa úıretý.
«Balany qajetsiz dúnıelerge aqsha jumsamaýǵa qalaı úıretýge bolady? Bizdiń úıde 10 dollar jınasań, ústine 10 dollar alasyń degen ereje bar. Qajetti aqsha jınalǵan kezde bala óziniń damýyna septigin tıgizetin zattar satyp ala alady. Ózgeler satyp alyp jatqan nárselerdi almańyz! Ádette bul tek bos oryn alatyn artyq nárseler».
Balańyzdy jomart bolýǵa úıretińiz
- Tabysty adamdardyń basym bóligi qolynyń ashyqtyǵymen erekshelenedi. Olar jomart jandar. Balańyzdy adamdardy syılaı bilýge úıretińiz.
Dıana ASANOVA,
«Adyrna» ulttyq portaly
