Somen,
1. Neke eshqashan seni qıyndyqtan, jalǵyzdyqtan, jan dúnıeńde bos qalǵan qara túnekten qutqarmaıtynyn eshkim aıtpaıdy. Basqa bir adam seniń kemshiligińdi bútindep bermeıdi. Ol tek ony ashyp kórsetedi, údetedi, báribir óz qıyndyǵyńdy óziń eńserýge týra keledi.
2. Janyń qalamaǵan adammen bas qosqansha jalǵyz júrgeniń jón degendi de eshkim aıtpaıdy. Adam shańyraqty jalǵyz qalýdan qoryqqannan emes, júrek qalaǵannan kóteredi. Aqıqaty osy.
3. Bala — ár kezde baqyt bola bermeıdi. Balanyń beretin aýyrtpashylyǵy, tún uıqyńdy tórt bólý, ózińdi basy bútin umytý, ózińe ýaqyt qaldyrmaý, keıde tutas ómiriń balaǵa arnalyp ketý deıtin bar. Osyny túsinseń, jaqsy. Eger balaly bolǵannan ómir gúldep, jaınap ketedi dep kútseń, áli de durystap oılanyp kór.
4. Jup bolý — ekeýara ortaq jaýapkershilik. Árkim ózine jaýap beretin bolsa, serigine emes, ekeýine de jaqsy bolar edi.
5. Sen ónegeli otbasy degen shańyraqtyń ózindik qıturqylyǵy bolýy yqtımal. Júz paıyz minsiz otbasy joq.
7. "Súıem" degen sóz tez taýsylady. Eger bir-birińmen sóılesip, qurmettep, qamqorlyq jasap úırenbeseńder, shańyraq qurýǵa asyqpańdar. Áli eseımegendigiń.
8. Kóp jup tósek qatynasyna kelgende bir-birine ótirik aıtqysh. Áıelder toıat taptym degendi ótirik keltiredi. Erkek spazmdy orgazm dep qala beredi. Ekeýi de qanaǵattanbaı, yzaly bop júredi. Ne qalaıtynyńdy ashyq aıtyp úıren. Kez kelgen taqyrypta.
9. Eger tanysa salǵanda ekeýińe ortaq taqyryp tabylmasa, ol keıin de tabylmaıdy. Keıin shaǵymdanbaý úshin qazirden ashyq bol. Unamasa, unamadyń de.
10. Qateligińdi moıyndap úıren. Durys tańdaý jasamaǵanyńdy túsinseń, moıynda. Ketisýge qoryqpa. Ózińe de, ózgege de ótirik aıtýdan aryl.
11. Adamdar kóp ózgere qoımaıdy. Olardyń minezi ashylyp, betperdeleri sheshiledi. Sen, sendik mahabbat ony ózgerte qoımas. Eger sol adam seni baǵalap, qazynam dep qabyldap, sen úshin ózgerýge bel býady. Bul onyń óz tańdaýy bolýy tıis. Ózińdi Sıqyrshy sezingiń kelse, osy bastan bunyń bári beker ekenin bil.
12. Birde bir rýhanı ilim búgingi qıyndyqtan qutqarmaıdy. Qıyndyqty kórgiń kelmegennen ol joq bop ketpeıdi. Sondyqtan aldyńdaǵy qıyndyqty jeńip úıren.
13. Ózgeden aqyl suraı berme. Jan dúnıeńe, otbasyńa bóten adamdar men biliksiz mamandardy jolatpa. «Asúılik psıhologııa» tek ishińdi bosatýǵa jaqsy, alaıda sheshim shyǵarýǵa áseri az, áreket júıesin basqarýy tıimsiz. Tek ózgeniń qısynsyzdyǵyna kóz jetkizýden aryǵa barmaıtyn is.
14. Erkekti túsiný ońaı: olardy qoldap, tyńdap, der kezinde tamaqtandyryp, otbasyndaǵy róline talaspasań bolǵany. Áıeldi túsiný de ońaı: olarmen sóılesip, qorǵap, súıý kerek. Bári ońaı. Eger shynaıy bolsań, serigińniń saǵyn syndyrmaı, jaqsy kórýdi bilseń.
15. Otbasy qurý men bala súıýge dál saǵan ne qajettiligi bar ekenin túsingende bas qatyr. Bóten oı men pikirdi, qoǵamdyq qalypty eskerip kerek emes.
16. Eger qatelesseń - ózińdi keshir. Ary qaraı júr. Ómir óte qyzyq. Ony óz qolyńmen tozaqqa aınaldyrma.
Avtor Oksana ypına
Aýdarǵan Shynar Ábilda
