ەت جاقىنىڭ ايتپايتىن شىندىق

2. جانىڭ قالاماعان اداممەن باس قوسقانشا جالعىز جۇرگەنىڭ ءجون دەگەندى دە ەشكىم ايتپايدى. ادام شاڭىراقتى جالعىز قالۋدان قورىققاننان ەمەس، جۇرەك قالاعاننان كوتەرەدى. اقيقاتى وسى.

3. بالا — ءار كەزدە باقىت بولا بەرمەيدى. بالانىڭ بەرەتىن اۋىرتپاشىلىعى، ءتۇن ۇيقىڭدى ءتورت ءبولۋ، ءوزىڭدى باسى ءبۇتىن ۇمىتۋ، وزىڭە ۋاقىت قالدىرماۋ، كەيدە تۇتاس ءومىرىڭ بالاعا ارنالىپ كەتۋ دەيتىن بار. وسىنى تۇسىنسەڭ، جاقسى. ەگەر بالالى بولعاننان ءومىر گۇلدەپ، جايناپ كەتەدى دەپ كۇتسەڭ، ءالى دە دۇرىستاپ ويلانىپ كور.

4. جۇپ بولۋ — ەكەۋارا ورتاق جاۋاپكەرشىلىك. اركىم وزىنە جاۋاپ بەرەتىن بولسا، سەرىگىنە ەمەس، ەكەۋىنە دە جاقسى بولار ەدى.

5. سەن ونەگەلى وتباسى دەگەن شاڭىراقتىڭ وزىندىك قيتۇرقىلىعى بولۋى ىقتيمال. ءجۇز پايىز ءمىنسىز وتباسى جوق.

7. "سۇيەم" دەگەن ءسوز تەز تاۋسىلادى. ەگەر ءبىر-بىرىڭمەن سويلەسىپ، قۇرمەتتەپ، قامقورلىق جاساپ ۇيرەنبەسەڭدەر، شاڭىراق قۇرۋعا اسىقپاڭدار. ءالى ەسەيمەگەندىگىڭ.

8. كوپ جۇپ توسەك قاتىناسىنا كەلگەندە ءبىر-بىرىنە وتىرىك ايتقىش. ايەلدەر تويات تاپتىم دەگەندى وتىرىك كەلتىرەدى. ەركەك سپازمدى ورگازم دەپ قالا بەرەدى. ەكەۋى دە قاناعاتتانباي، ىزالى بوپ جۇرەدى. نە قالايتىنىڭدى اشىق ايتىپ ۇيرەن. كەز كەلگەن تاقىرىپتا.

9. ەگەر تانىسا سالعاندا ەكەۋىڭە ورتاق تاقىرىپ تابىلماسا، ول كەيىن دە تابىلمايدى. كەيىن شاعىمدانباۋ ءۇشىن قازىردەن اشىق بول. ۇناماسا، ۇنامادىڭ دە.

10. قاتەلىگىڭدى مويىنداپ ۇيرەن. دۇرىس تاڭداۋ جاساماعانىڭدى تۇسىنسەڭ، مويىندا. كەتىسۋگە قورىقپا. وزىڭە دە، وزگەگە دە وتىرىك ايتۋدان ارىل.

11. ادامدار كوپ وزگەرە قويمايدى. ولاردىڭ مىنەزى اشىلىپ، بەتپەردەلەرى شەشىلەدى. سەن، سەندىك ماحاببات ونى وزگەرتە قويماس. ەگەر سول ادام سەنى باعالاپ، قازىنام دەپ قابىلداپ، سەن ءۇشىن وزگەرۋگە بەل بۋادى. بۇل ونىڭ ءوز تاڭداۋى بولۋى ءتيىس. ءوزىڭدى سيقىرشى سەزىنگىڭ كەلسە، وسى باستان بۇنىڭ ءبارى بەكەر ەكەنىن ءبىل.

12. بىردە ءبىر رۋحاني ءىلىم بۇگىنگى قيىندىقتان قۇتقارمايدى. قيىندىقتى كورگىڭ كەلمەگەننەن ول جوق بوپ كەتپەيدى. سوندىقتان الدىڭداعى قيىندىقتى جەڭىپ ۇيرەن.

13. وزگەدەن اقىل سۇراي بەرمە. جان دۇنيەڭە، وتباسىڭا بوتەن ادامدار مەن بىلىكسىز مامانداردى جولاتپا. «اسۇيلىك پسيحولوگيا» تەك ءىشىڭدى بوساتۋعا جاقسى، الايدا شەشىم شىعارۋعا اسەرى از، ارەكەت جۇيەسىن باسقارۋى ءتيىمسىز. تەك وزگەنىڭ قيسىنسىزدىعىنا كوز جەتكىزۋدەن ارىعا بارمايتىن ءىس.

14. ەركەكتى ءتۇسىنۋ وڭاي: ولاردى قولداپ، تىڭداپ، دەر كەزىندە تاماقتاندىرىپ، وتباسىنداعى رولىنە تالاسپاساڭ بولعانى. ايەلدى ءتۇسىنۋ دە وڭاي: ولارمەن سويلەسىپ، قورعاپ، ءسۇيۋ كەرەك. ءبارى وڭاي. ەگەر شىنايى بولساڭ، سەرىگىڭنىڭ ساعىن سىندىرماي، جاقسى كورۋدى بىلسەڭ.

15. وتباسى قۇرۋ مەن بالا سۇيۋگە ءدال ساعان نە قاجەتتىلىگى بار ەكەنىن تۇسىنگەندە باس قاتىر. بوتەن وي مەن پىكىردى، قوعامدىق قالىپتى ەسكەرىپ كەرەك ەمەس.

16. ەگەر قاتەلەسسەڭ - ءوزىڭدى كەشىر. ارى قاراي ءجۇر. ءومىر وتە قىزىق. ونى ءوز قولىڭمەن توزاققا اينالدىرما.

اۆتور وكسانا تسىپينا
اۋدارعان شىنار ءابىلدا