Toǵjan-ǵumyr

2230
Adyrna.kz Telegram

Balǵyn kezim..

Tylsym jəıtqa shalqyp, ish.
Jyldaǵydaı joq, oınaý men artyq is.
Aına aldyna jıi-jıi keltirgen,
Boıjetýge  degen jyly  talpynys.

Óz-ózimnen dostarymnan jyraqtap,
Kóńil shirkin, jalǵyzdyqty unatty-aq.
Esi durys ən tyńdasam maqul ǵoı,
Qulaǵymda júredi, ylǵı, qulaq qap.

Bul úrdiske bolmas degem basynda em,
Sulý da ózim, ənshi de men, aqyn- men.
Birde anam, "Abaı jolyn" əkelip
"Oqy" dedi..
"Alysqansha shashyńmen"

Turǵanymdy kózine ilmeı, ókpelep,
"Boldy, botam, kún ótkizbe tekke" dep.
Sosyn,anam, birneshe tom kitapty
Qoıdy əkelip, ústelime tekshelep.

Jatty kitap, ústelimde neshe kún.
Bir aıqaıy estilgenshe sheshemniń.
Albyrt kóńil qaıdan bilsin sol kezde,
Oqymasam, ketetinin  esemniń.

Qolǵa alýǵa batpasa da batylym.
Ishimde bir, qamshy bolyp jatyr ún.
Alǵash ret "Abaı jolyn" qolǵa ustap,
Alaburtyp, betin ashtym aqyryn.

Kibirtiktep, túsine almaı birden men.
Sosyn, kitap syrlas etti túndermen.
Birinshi bet..
eki..
úsh..
júz..ýhh, ǵajap
Oqyp shyqtym, ot bop shyqtym bir demmen.

Deı almaısyń, júregińe, tolǵanba.
Sebebi.. pək mahabbat bar, ol, mańda.
Shashbaýynyń syńǵyryna syr ilgen,
Men, aınalyp kete bardym Toǵjanǵa.

Súısem dedim, kúısem dedim Toǵjandaı..
Alasuryp, alyp shyǵar jol qalmaı.
Shı ishinde  shıdem kıip synyqsyp
Súıgenińdi kútý baqyt- tolǵanda, aı.

Sen ne degen, kerim ediń, týýý..baqyt.
Keýde tusty qoımaısyń-aý, týlatyp.
Kelse deısiń, aqboz mingen bir seri
Úrker týa, aýyl ıtin  shýlatyp.

Shoq taqııań  mańdaıdy ashyp eki eli,
Shəıi kóılektiń jer sypyryp etegi.
"Hosh" degizbeı, attanarda seriniń
Shaýjəıyna jabysqym kep ketedi.

Shyr aınalyp shyqpasada shekeńde oı.
Mahabbatsyz ómir súrmek, beker ǵoı.
Bir adamdy qulaı súıý úshin de,
Uly bolý.. mindet emes eken ǵoı.

Qosylmapty..
Kún-surlanyp,
Jylady, aı.
Sol zamannyń saltqa berik,synaǵy-aı.
Óksip turdym..
Júregimniń ishinde
Ómir súrip jatqandyqtan, bir "Abaı"..

Tıispeńder!
Mahabbat- jyr,
Kúıik-sher.
Ər əripin, ər býynyn  súıip, ter.
"Abaı joly" - Adam joly  qym-qıǵash,
Al, adamdar..
Kitaptaǵy  keıipker.

Mehnat Temirtasqyzy

Pikirler