Onlaın formatynda ótken sharaǵa Pavlodar oblysynyń ákimi Ábilqaıyr Sqaqov qatysty.
Aımaq basshysy konferenııa qatysýshylaryna sáttilik tilep, Abaı murasyn dáripteý, nasıhattaýdyń mańyzdylyǵyn atap ótti.
- QR Úkimetiniń qaýlysymen 10 tamyz Abaı kúni bolyp bekitilip, merekeler kúntizbesine engizilgeni belgili. Pavlodar oblysynda mereıtoıǵa oraı 200-den astam shara bekitildi. QR Prezıdenti Qasym-Jomart Kemeluly Toqaev «Abaı jáne HHI ǵasyrdaǵy Qazaqstan» atty maqalasynda «Adamnyń ózin-ózi tanýy jáne únemi damyp otyrýy, ǵylymǵa, bilimge basymdyq berýi – kemeldiktiń kórinisi» degen bolatyn. Abaı álemi bul - álemdik deńgeıde úlken suranysqa ıe bolǵan shyǵarmalar. Jas urpaqty Otandy Abaısha súıýge úıretýge tıispiz. Júsipbek Aımaýytov atyndaǵy qazaq mýzykalyq drama teatrynda Muhtar Áýezovtiń «Jas Abaı» qoıylymynyń premerasyn arnaıy baryp tamashalap, jaqsy áser aldym. Sol úshin teatr ujymyna jeke alǵys aıtamyn. Sondaı-aq oblysymyzdyń aýyldaryn aralap, «Aýylǵa Abaı keldi» jobasy boıynsha oqýshylarmen jáne jastarmen kezdesý uıymdastyrǵan jyrshy Danııal Ásenovke alǵys aıtamyn. Bıyl Abaı Qunanbaıulyna arnalǵan eskertkishti saltanatty túrde ashamyz. Bul - kópshilik úshin kópten kútken eleýli, erekshe oqıǵa, - dep atap ótti oblys ákimi Ábilqaıyr Sqaqov.
Toraighyrov University uıymdastyrǵan ǵylymı-praktıkalyq konferenııaǵa Qazaqstan, Túrkııa jáne Reseı eliniń ǵalymdary qatysyp, «Hakim Abaı – álemdik órkenıet fenomeni» atty taqyrypta tuymdy oılarymen bólisti. Jalpy, onlaın konferenııaǵa Zoom platformasy arqyly 100 adam qatysyp, ǵalymdardyń oı-pikirlerin tyńdady.
Ǵalymdardyń aıtýynsha, Abaıdyń shyǵarmashylyǵy men eńbekteriniń arqasynda qazaqtyń kórkemdik jaǵynan baı aýyzsha jáne jazbasha ádebıeti, eń keremet folklorlyq, epostyq, jarqyn mýzykalyq, poetıkalyq jáne fılosofııalyq muralary búkil álemge usynyldy. Búgingi tańda Abaı beınesi qazaq halqynyń eń jaqsy qasıetterin beıneleıdi. Onyń moraldyq-etıkalyq kózqarastary búgin qaıtadan ózekti bolyp, qoǵamdyq sanany qaıta qurýdyń negizine aınaldy.
Sondaı-aq konferenııa barysynda Almaty qalasy Sh. Ýálıhanov atyndaǵy tarıh jáne etnologııa ınstıtýty, tarıh ǵylymdarynyń doktory, professor Zııabek Qabyldınov, Qazan federaldyq ýnıversıteti «tatar ádebıeti» kafedrasynyń professory, fılologııa ǵylymdarynyń doktory Lıaıla Mıngazova, Túrkııa eli Muğla Sıtkı Koçman ýnıversıtetiniń professory Ekrem Ayan jáne taǵy basqalary sóz sóıledi.
“Adyrna” ulttyq portaly
