ونلاين فورماتىندا وتكەن شاراعا پاۆلودار وبلىسىنىڭ اكىمى ابىلقايىر سقاقوۆ قاتىستى.
ايماق باسشىسى كونفەرەنتسيا قاتىسۋشىلارىنا ساتتىلىك تىلەپ، اباي مۇراسىن دارىپتەۋ، ناسيحاتتاۋدىڭ ماڭىزدىلىعىن اتاپ ءوتتى.
- قر ۇكىمەتىنىڭ قاۋلىسىمەن 10 تامىز اباي كۇنى بولىپ بەكىتىلىپ، مەرەكەلەر كۇنتىزبەسىنە ەنگىزىلگەنى بەلگىلى. پاۆلودار وبلىسىندا مەرەيتويعا وراي 200-دەن استام شارا بەكىتىلدى. قر پرەزيدەنتى قاسىم-جومارت كەمەلۇلى توقاەۆ «اباي جانە ءححى عاسىرداعى قازاقستان» اتتى ماقالاسىندا «ادامنىڭ ءوزىن-ءوزى تانۋى جانە ۇنەمى دامىپ وتىرۋى، عىلىمعا، بىلىمگە باسىمدىق بەرۋى – كەمەلدىكتىڭ كورىنىسى» دەگەن بولاتىن. اباي الەمى بۇل - الەمدىك دەڭگەيدە ۇلكەن سۇرانىسقا يە بولعان شىعارمالار. جاس ۇرپاقتى وتاندى ابايشا سۇيۋگە ۇيرەتۋگە ءتيىسپىز. جۇسىپبەك ايماۋىتوۆ اتىنداعى قازاق مۋزىكالىق دراما تەاترىندا مۇحتار اۋەزوۆتىڭ «جاس اباي» قويىلىمىنىڭ پرەمەراسىن ارنايى بارىپ تاماشالاپ، جاقسى اسەر الدىم. سول ءۇشىن تەاتر ۇجىمىنا جەكە العىس ايتامىن. سونداي-اق وبلىسىمىزدىڭ اۋىلدارىن ارالاپ، «اۋىلعا اباي كەلدى» جوباسى بويىنشا وقۋشىلارمەن جانە جاستارمەن كەزدەسۋ ۇيىمداستىرعان جىرشى دانيال اسەنوۆكە العىس ايتامىن. بيىل اباي قۇنانبايۇلىنا ارنالعان ەسكەرتكىشتى سالتاناتتى تۇردە اشامىز. بۇل - كوپشىلىك ءۇشىن كوپتەن كۇتكەن ەلەۋلى، ەرەكشە وقيعا، - دەپ اتاپ ءوتتى وبلىس اكىمى ابىلقايىر سقاقوۆ.
Toraighyrov University ۇيىمداستىرعان عىلىمي-پراكتيكالىق كونفەرەنتسياعا قازاقستان، تۇركيا جانە رەسەي ەلىنىڭ عالىمدارى قاتىسىپ، «حاكىم اباي – الەمدىك وركەنيەت فەنومەنى» اتتى تاقىرىپتا تۇششىمدى ويلارىمەن ءبولىستى. جالپى، ونلاين كونفەرەنتسياعا Zoom پلاتفورماسى ارقىلى 100 ادام قاتىسىپ، عالىمداردىڭ وي-پىكىرلەرىن تىڭدادى.
عالىمداردىڭ ايتۋىنشا، ابايدىڭ شىعارماشىلىعى مەن ەڭبەكتەرىنىڭ ارقاسىندا قازاقتىڭ كوركەمدىك جاعىنان باي اۋىزشا جانە جازباشا ادەبيەتى، ەڭ كەرەمەت فولكلورلىق، ەپوستىق، جارقىن مۋزىكالىق، پوەتيكالىق جانە فيلوسوفيالىق مۇرالارى بۇكىل الەمگە ۇسىنىلدى. بۇگىنگى تاڭدا اباي بەينەسى قازاق حالقىنىڭ ەڭ جاقسى قاسيەتتەرىن بەينەلەيدى. ونىڭ مورالدىق-ەتيكالىق كوزقاراستارى بۇگىن قايتادان وزەكتى بولىپ، قوعامدىق سانانى قايتا قۇرۋدىڭ نەگىزىنە اينالدى.
سونداي-اق كونفەرەنتسيا بارىسىندا الماتى قالاسى ش. ءۋاليحانوۆ اتىنداعى تاريح جانە ەتنولوگيا ينستيتۋتى، تاريح عىلىمدارىنىڭ دوكتورى، پروفەسسور زيابەك قابىلدينوۆ، قازان فەدەرالدىق ۋنيۆەرسيتەتى «تاتار ادەبيەتى» كافەدراسىنىڭ پروفەسسورى، فيلولوگيا عىلىمدارىنىڭ دوكتورى ليايلا مينگازوۆا، تۇركيا ەلى Muğla Sıtkı Koçman ۋنيۆەرسيتەتىنىڭ پروفەسسورى Ekrem Ayan جانە تاعى باسقالارى ءسوز سويلەدى.
“ادىرنا” ۇلتتىق پورتالى
