Eskertkish alynyp tastaldy!

691
Keshe, 4 tamyzda feısbýktaǵy paraqshamda jáne «Adyrna» ulttyq portalynda (https://adyrna.kz/index.php/post/43155), sondaı-aq "Qazaq úni" ulttyq portalynda (https://qazaquni.kz/2020/08/04/149984.html) «Kerekýde Keńes áskerleri dáriptelýde» atty syn maqalam jarııalanǵan edi. Onda Qazaqstannyń kúntizbesinde joq KSRO áýe desanty áskerleriniń ataýly kúni 2 tamyzda Keńes odaǵy jaýyngerlerin ulyqtaýǵa arnalǵan keshendi eskertkishtiń ashylǵanyn jazǵanbyz. Dál sol kúni Kerekýdegi Keńes desantshylarynyń QR Prezıdenti Q. Toqaevtyń epıdemııaǵa baılanysty jarııalaǵan karantın talaptaryn aıaqasty ete otyryp, ortalyq kóshelerde zańsyz sherýge shyqqanyn da aıtqanbyz. Maqalada kórsetilgen máseleler jóninde «Ult taǵdyry» qozǵalysynyń oblystyq uıymy jáne otanshyl azamattar Pavlodar oblysynyń ákimi, oblys prokýrory, UQK oblystyq departamenti men oblys polıııa departamentiniń basshylarynyń atyna hat tapsyrdy.
Jurtshylyqtyń narazylyǵyn týdyrǵan eskertkish búgin alynyp tastaldy! Estýimizshe, bul keshendi eskertkish tıisti mekemelerdiń ruqsatynsyz, mamandardyń kelisiminsiz demeýshilerdiń qarjysyna ornatylǵan.
Endi zańsyz sharalardy uıymdastyrǵan «Pavlodar qalasy jáne Pavlodar oblysy boıynsha desanttyq baýyrlastyq» qoǵamdyq birlestiginiń tóraǵasy Vasılıı Maslovtyń ústinen qylmystyq is qozǵalsa jáne ruqsat etilmegen sherýge shyqqan qatardaǵy kók telpektiler 15 táýlikke qamalyp, kóshe tazalaý tárizdi qoǵamdyq jumystarǵa jumyldyrylsa quba-qup der edik. Bálkim, sonda ǵana olar Qazaqstan Respýblıkasynyń Zańyn qurmetteýdi úırenedi.
Qoǵam belsendileriniń ótinish-tilekterine sergek qaraǵan jergilikti memlekettik organdarǵa rızashylyq sezimimizdi bildiremiz.
Arman QANI,
Pavlodar qalasy.
Pikirler
Redakııa tańdaýy