Bügın aqparattyq-kommunikasiialyq ortalyǧynda Qazaqstan Mūsylmandary Dıni basqarmasynyŋ Şymkent qalasy boiynşa bas imamy Baqdäulet Äbdırahmanov pen naib imamy Dastan Jeleuov qalamyzda engızılgen şekteulerge bailanysty qasiettı Qūrban ait meiramynyŋ qaşyqtyqtan ötken qorytyndysy boiynşa brifing berdı.
– Biyl elımızdegı epidemiologiialyq ahualǧa bailanysty qasiettı Qūrban ait merekesındegı qūrbandyq şalu onlain türde jürgızıldı. Iаǧni, qalamyzdaǧy niet etken azamattar «Qurban2020.kz» saity arqyly onlain tapsyrys berıp, amaldaryn oryndady. Onlain tapsyrys bergender tarapynan 39 ırı qara mal, 396 ūsaq mal, al tūrǧyndar tarapynan 18 ırı qara mal, 292 ūsaq mal qūrbandyqqa şalyndy. Būl qūrbandyqqa şalynǧan maldyŋ etterı 5650 otbasyǧa taratyldy. Ol otbasylar – köp balaly, mümkındıgı şekteulı jäne uaqytşa tabysynan aiyrylǧan otbasylar. Osy rette aita keteiın, qasiettı merekede qūrbandyqqa şalynǧan maldyŋ etterı mūqtaj otbasylarǧa der kezınde taratyluy men ysyrapşyldyqqa jol bermeu maqsatynda arnaiy top qūryluyna qala äkımı Mūrat Düisenbekūlynyŋ kömegı orasan boldy, – dedı B.Nūrmatūly.
Bas imamnyŋ sözıne süiensek, qalada biyl qūrbandyq şalu şarasy onlain türınde alǧaş ötkenımen, nätijesı byltyrǧy jyldan joǧary. Degenmen kei qatelıkter ketkenın joqqa şyǧarmady. Iаǧni ötınış beru barysynda körşı öŋırlerden de ötınışter tüsıp, ol 3800-ge juyqtasa, al qaitalanǧan ötınışter 1 myŋnan asypty. Būl rette qalamyzda meşıtke tırkelu arqyly ötınış bergen 2000 myŋnan astam mūqtaj otbasyǧa et taratylǧanyn aita ketken jön.
Sondai-aq, Dastan Süleiūlynyŋ sözınşe, elımızde osyndai qiyndyq jaǧdai tuyndaǧan kezde būl qūrbandyq şaludyŋ onlain jüiesı ındettıŋ keŋ taraluyna tosqauyl boldy. Al qūrbandyq şalǧan kısıler üşın ökıldıktı, iaǧni amanatty moiyndaryna alyp, kümändardy seiıltu üşın tapsyrys bergen azamattarǧa video esep bergenderın alǧa tartty.
Şymkent aqparattyq-kommunikasiialyq ortalyǧy
Foto – S.Qosai
