(45-qara sözdıŋ jalǧasy retınde topşalanyp jazylǧan qara söz)
Oilanyp qarasam «adamşyldyqty1» da Qūdai tabaraka uataǧala jaratqan. Alaida būl qasietke ie, laiyqty pende joqtyŋ qasy. Būl tar zamanda osy qasiettıŋ mänın ūǧynu da öz aldyna bır kışıgırım ǧylym. Adamşyldyq qasiettı üirenbek, bılmek ar men ūiattyŋ ısı. Bilık pen malǧa qūnyqqan nadan bailar, bilık pen baidy andyǧan qara halyq, paidany közdep bala oqytqan nadan moldalar, osyndai qaraŋǧylyqqa botadai közderı qanyqqan jas balalarda būl «adamşyldyqtyŋ» tittei de ülgısın köre almai ötetın boldy-au. 2Osynau küŋırengen zamanda bar jan-tänımen halyqty qoldaǧan jandardy baiqasaqta,aǧy bar dünienıŋ qarasyna da közımız kuä. Bırı malyn jaqsy şaşpaqqa ūmtylsa, bırı sol halyqtyŋ qaiǧy men mūŋ zarynan dünie tappaqqa ūmtyldy. Eh, qairan dünie...
Meilı, bızdı qoişy, däm-tūzymyz tausylyp ketermız... Bız ūǧyna almaǧan adamşyldyqty ız jalǧastyrar ūrpaǧymyz qalai ūǧynbaq? Olarǧa ūǧyndyrar kısı tabylar ma eken? Bızdıŋ basymyzdan ötken osy qaraŋǧylyq, olardyŋ zamanynda auyr qasıret, aiyrylmas dert, tän men jannyŋ kör-soqyrlyǧy bolyp kelıp, ūlttyq ruhynyŋ jaŋǧyruyn söndıretın qara qasıret bolady ma dep alaŋdaimyn...
Osy künge deiın aq qaǧaz ben qara siiany ermek qylyp, halqyma bırtalai kerektı söz jazyppyn. Al endı siiamnyŋ da tausylar şaǧy taiaǧan siiaqty... Osy sözderımdı özı oqyp, ūǧynyp, kısıge ūǧyndyrar bır pende tabylsa eken deimın.
Alima QALİSAEVA,
"Adyrna" ūlttyq portaly
