(45-قارا ءسوزدىڭ جالعاسى رەتىندە توپشالانىپ جازىلعان قارا ءسوز)
ويلانىپ قاراسام «ادامشىلدىقتى1» دا قۇداي تاباراكا ۋاتاعالا جاراتقان. الايدا بۇل قاسيەتكە يە، لايىقتى پەندە جوقتىڭ قاسى. بۇل تار زاماندا وسى قاسيەتتىڭ ءمانىن ۇعىنۋ دا ءوز الدىنا ءبىر كىشىگىرىم عىلىم. ادامشىلدىق قاسيەتتى ۇيرەنبەك، بىلمەك ار مەن ۇياتتىڭ ءىسى. بيلىك پەن مالعا قۇنىققان نادان بايلار، بيلىك پەن بايدى اندىعان قارا حالىق، پايدانى كوزدەپ بالا وقىتقان نادان مولدالار، وسىنداي قاراڭعىلىققا بوتاداي كوزدەرى قانىققان جاس بالالاردا بۇل «ادامشىلدىقتىڭ» تيتتەي دە ۇلگىسىن كورە الماي وتەتىن بولدى-اۋ. 2وسىناۋ كۇڭىرەنگەن زاماندا بار جان-تانىمەن حالىقتى قولداعان جانداردى بايقاساقتا،اعى بار دۇنيەنىڭ قاراسىنا دا كوزىمىز كۋا. ءبىرى مالىن جاقسى شاشپاققا ۇمتىلسا، ءبىرى سول حالىقتىڭ قايعى مەن مۇڭ زارىنان دۇنيە تاپپاققا ۇمتىلدى. ەح، قايران دۇنيە...
مەيلى، ءبىزدى قويشى، ءدام-تۇزىمىز تاۋسىلىپ كەتەرمىز... ءبىز ۇعىنا الماعان ادامشىلدىقتى ءىز جالعاستىرار ۇرپاعىمىز قالاي ۇعىنباق؟ ولارعا ۇعىندىرار كىسى تابىلار ما ەكەن؟ ءبىزدىڭ باسىمىزدان وتكەن وسى قاراڭعىلىق، ولاردىڭ زامانىندا اۋىر قاسىرەت، ايىرىلماس دەرت، ءتان مەن جاننىڭ كور-سوقىرلىعى بولىپ كەلىپ، ۇلتتىق رۋحىنىڭ جاڭعىرۋىن سوندىرەتىن قارا قاسىرەت بولادى ما دەپ الاڭدايمىن...
وسى كۇنگە دەيىن اق قاعاز بەن قارا سيانى ەرمەك قىلىپ، حالقىما ءبىرتالاي كەرەكتى ءسوز جازىپپىن. ال ەندى سيامنىڭ دا تاۋسىلار شاعى تاياعان سياقتى... وسى سوزدەرىمدى ءوزى وقىپ، ۇعىنىپ، كىسىگە ۇعىندىرار ءبىر پەندە تابىلسا ەكەن دەيمىن.
اليما قاليساەۆا،
"ادىرنا" ۇلتتىق پورتالى
