( Abaı Qunanbaıulynyń 175 jyldyǵyna )
O ata !
Qalam alyp hat jazdym saǵan aqyr,
Qyzyń er, Bul ǵasyrda balań batyl.
Jeltoqsanda oıandy sizdyń jastar
Qazaqqa tóngen shaqta zamanaqyr.
Tarqamasyn dep tilep bazarymyz,
Aıdan tamǵan nurdaı bop ajarymyz.
Bul kúnderi táýelsiz el atandy,
Bir kezdegi qaıyran jurt qazaǵyńyz.
Bıikti kórdi halqyń alasany,
Sizdyń el ǵylym izdep talasady.
Erinshek bolmady eliń, eńbektendy,
Arqadan aıbyny ústem qala saldy.
O ata !
Emes ulyń maqtanǵany,
Bul kúnde bilim qýyp baptalǵany.
Sizdyń el ǵarysh ushyp aıǵa bardy,
Ǵylymǵa osy emes pe attanǵany .
Ár sózińiz tumardaı bul arada,
Tyńdaıdy danyshpanda, ǵulamada.
Bas basyna bı bolmaı berekemen,
Tizgindi berdi halqyń bir adamǵa.
Jolǵa saldyń bizderdi ózyń izgy,
Qurandaı súıdik qara sózińizdi.
Zańǵaryńdy zertteýde zamanalar,
Sizdyń sózden tanydyq ózimizdi.
Bul kúnde zaman tynsh kóńil aman,
Abaı tiri, ólmeıtin sózi qalǵan.
Sizdiń el búgin qatty qulshynýda,
Biz erteń bolamyz dep tolyq adam.
Sizge arnap toı jasaımyz jıyp kópti,
Ataǵyń bizdy álemge bıiktetti.
Mahabatsyz bolmaıtyn dúnıede,
Mahabatpen seni álem súıip ketti.
Jumataı Kóksýbaıuly
