Memleket basshysy Qasym-Jomart Toqaevpen telefon arqyly sóılesý barysynda Shymkent qalasynyń ákimi Murat Áıtenov qaladaǵy epıdemıologııalyq jaǵdaıdyń jaqsarǵanyn baıandady.
Qala ákimi qazirgi sanıtarlyq-epıdemıologııalyq jaǵdaı, koronavırýs indetiniń taralýyna jol bermeý, sondaı-aq karantın rejımin qamtamasyz etý jáne áleýmettik kómekke muqtaj turǵyndarǵa qoldaý kórsetý maqsatynda qabyldanyp jatqan sharalar týraly aıtty.
«Shymkent qalasynda koronavırýs ınfekııasynyń taralý qarqyny báseńdeı bastady. Ótken táýlikte 54 vırýs juqtyrǵandar tirkelip, ósim 1,2 paıyzdy quraǵan. Osy aıdyń basyndaǵy kórsetkishtermen salystyrǵanda eki esege tómendegen. Sonymen qatar, jedel járdem shaqyrý 43 paıyzǵa azaıyp, staıonarlarda em alýshylardyń sany 56,9 paıyzǵa tómendep otyr. Sizdiń tapsyrmańyzben qala qoımalarynda bir aılyq dáriniń qory jasaqtaldy. Búginde shet memleketten 2 mln. 676 myń flakon birinshi kezektegi dáriler men 16 mln. 700 myń maska jetkizildi. Sondaı-aq, qosymsha 58 IVL, 250 «Bobrov» tynys alý apparattary jáne 26 reanımaııalyq monıtorlar alyndy. Qazirgi tańda reanımaııalyq orynnyń 88,7 paıyzy IVL apparattarymen qamtylyp otyr», - dedi qala basshysy.
Murat Áıtenov tótenshe jaǵdaıǵa oraı tabysynan aıyrylǵan azamattarǵa tıesili 42500 teńge kólemindegi birjolǵy tólem Shymkent qalasynyń 100 504 azamatyna berilgenin de atap ótti.
Telefon arqyly sóılesý barysynda Prezıdent ahýaldy qatań baqylaýda ustap, atalǵan mindetke basym baǵyt retinde mán berýdi tapsyrdy. Bul rette karantın sharalaryn saqtaýdyń mańyzdy ekeni jáne halyqqa túsindirý jumystaryn belsendi túrde júrgize berý kerektigin aıtty.
Shymkent
