Şymkenttegı "batyr babalar sap tüzegen" köpqabatty tūrǧyn üi jūrtty süisınttı. Sebebı tūrǧyndar üidıŋ qabyrǧasyna qazaqtyŋ ör ruhty batyrlary men qalyqtaǧan qyrannyŋ suretterın ılıp qoiǧan, dep habarlaidy "Adyrna" ūlttyq portaly otyrar.kz-ke sılteme körsete otyryp.
Köpqabatty būl üi A.Baitūrsynov köşesı boiynda ornalasqan. Nauqastyŋ şaqyrtuymen üige kezdeisoq kelgen jedel järdem qyzmetkerı podezd ışın videoǧa tüsırıp alyp, jelı paraqşasynda jariialady.«Men jedel järdemde ısteimın. Neşe türlı podezd ben üilerdı köremın. Bıraq mynandai üidı bırınşı ret körıp tūrmyn. Osy üi tūrǧyndaryna riza boldym. Allanyŋ nūry jausyn! Osy arqyly bızdıŋ öskeleŋ ūrpaq, bolaşaǧymyz batyrlaryn tanidy. Mıne, qaraşy! Nauryzbai batyr, Janqoja batyr, Baian batyrymyz. Öŋşeŋ myqty tūlǧalardyŋ suretın ılıp qoiǧan. Syrym batyr, Sauryq batyr, Sypatai batyr, Qarasai batyr! Öte riza boldym. Mynau naǧyz batyrymyz – Jänıbek batyr»,-deidı avtor.Videony körgen jelı qoldanuşylary tarihty ūmyt qaldyrmai, batyrlarymyzdy ülgı tūtqan tūrǧyndarǧa dän riza boldy. «Keremet», «Ne şyqsa da Şymkentten şyǧady deseŋızderşı», «Osyny jasaǧan kısılerge Alla razy bolsyn! Ösıp kele jatqan jas ūrpaqqa qanşama ülgı, önege bolyp tūr», «Jaraisyŋdar», «Būl üide tarih nemese ädebiet pänınıŋ mūǧalımı tūrady-au», «Üş jüzdıŋ batyrlary bas qosqan üi deseŋızşı. Jaraisyzdar», «Keremet, demek közı aşyq, batyrlardy qūrmetteitın adamdar tūrady eken» dep jazdy jelı qoldanuşylary. Pıkır qaldyrǧandardyŋ bırı özı osy üide tūratynyn alǧa tartqan. Al batyrlardyŋ portretterın kıreberıske Rinat esımdı körşısı ılgenın atap ötken.
"Adyrna" ūlttyq portaly
Ūqsas jaŋalyqtar
Şymkent qalasy
oŋtüstık qazaqstan
er jänıbek
sūranşy batyr
sauryq batyr
qarasai batyr
Qabanbai batyr
