Áleýmettik jelilerde aıqaılaǵan toptyń polıııa bastyǵyn qalaı qorshap alyp, urǵany týraly vıdeo paıda boldy. Artynan Jezqazǵan qalasynyń polıııa bastyǵy, polıııa polkovnıgi Qurmanov sol túngi oqıǵa týraly Tengrinews.kz. redakııasyna aıtyp berdi. Biz Sizderge polıııa bastyǵynyń sózderin aýdaryp, yqshamdap usynamyz.
«Men beınejazbada shynymen men ekenimdi, Jezqazǵan qalasynyń polıııa bastyǵy, polıııa polkovnıgi Qurmanov ekenin rastaǵym keledi. Joǵalǵan bes jasar qyz týraly aqparat alǵannan keıin men bólimge keldim, qyzmetkerlerdi jınap, dereý Sátbaev qalasyna jol tarttym. Kóptegen adamdar jınalyp, tártipsizdikter bastalyp, adamdar pedofıldi ózderine tapsyrýdy talap etip, olar podezge kirýge tyrysty.
Biz podezdiń kire berisiniń birinshi qatarynda turdyq. Bul kezde jınalǵandardan bireý polıııa qyzmetkerlerin bir-birlep alyp ketý kerek dep aıqaılady. Bir top adam qasymda turǵan polıııa qyzmetkerin ustap alyp, ony halyq arasyna súırep apardy. Bul qyzmetkerdi qolynan ustap, men olardyń sońynan erip, qyzmetkerdi bosatýǵa kóndire bastadym, óıtkeni ol kináli emes qoı. Men jınalǵan jurtty sendire aldym, olar bul qyzmetkerdi bosatty. Sol kezde toptan bireý meni tanyp qalyp, "bul polıııa bastyǵy" dep aıqaılady. Olar kúdiktini ustap berýdi talap ete bastady. Jınalǵandar meni qorshap aldy jáne kúdiktini ózderine tapsyrýdy talap ete bastady - olar qylmyskerdi ózderi jazalaǵylary keldi », - dedi Qurmanov.
Ol jınalǵandarǵa zań aldynda bári birdeı ekenin jáne bul azamat zańǵa sáıkes jazalanatyndyǵyn túsindire bastady. «Munyń bári 30-40 mınýttyń ishinde boldy. Osy ýaqytta men basymnan, denemnen birneshe ret soqqy aldym, mıym shaıqalyp, kóptegen dene jaraqattaryn aldym. Oń jaq qulaq, sol ıyq, sol jaq keýde jáne belim bári soqqydan kógerip qaldy. Halyq meni tyńdamaıtynyn túsindim. Ol kúni men eshqandaı alkogol ishpedim,», - dep qorytyndylady polıııa basshysy.
"Adyrna" ulttyq portaly
